ҚР Тәуелсіздігінің 25 жылдығына, Қазақстан шекара әскерлерінің күні аясында Маңғыстау облысы Қазақстан халқы Ассамблеясының «Жас қанат» жастар ұйымы Жағалау күзеті басқармасының № 220 әскери бөлімінде мерекелік іс-шара өткізді. Біздің белсенді жастарымыз шекарашыларға арнайы құттықтау дайындап, осы жолы да белсенділік танытты.

Жас қанаттың шығармашылық өкілдері көңілді мерекелік концерт ұйымдастырды. Өз таланттарын Музаев Ислам, «Шадвал» би ансамблі, Федотов Николай, Абдуллаев Самир және т.б. көрсетті.

Жастар ұйымының төрайымы  Айтабаева Юлия әскери қызметкерлерді құттықтап, ерлігі, қайсарлығы және Отанға деген адал қызметтері үшін шынайы алғысын білдірді. Оларға денсаулық, сәттілік және батырлық жетістіктерге жетулерін тіледі. Қазақстан халқы Ассамблеясы және «Жас қанат» атынан бағалы сыйлықтар табысталды.

Іс-шара соңында әскери бөлімнің аумағында саяхат жасалды.

МОӘА «Қоғамдық келісім» КММ баспасөз қызметі

Кейін қарай