Батыс Қазақстан облысының Орал қаласында Қазақстан Республикасы Президентінің  жанындағы Мемлекеттік басқару академиясы Қазақстан халқы Ассамблеясының қолдауымен «Жастар арасындағы этносаралық қатынастар мәдениеті» тақырыбындағы бір апталық жазғы мектеп өз жұмысын бастады. 

Батыс Қазақстан облысының Орал қаласында Қазақстан Республикасы Президентінің  жанындағы Мемлекеттік басқару академиясы Қазақстан халқы Ассамблеясының қолдауымен «Жастар арасындағы этносаралық қатынастар мәдениеті» тақырыбындағы бір апталық жазғы мектеп өз жұмысын бастады.

Жазғы мектептің жұмысына Қазақстан Республикасы Президенті Әкімшілігінің Қазақстан халқы Ассамблеясы Хатшылығы, Білім және ғылым министрлігі, Қазақстан Республикасы Мәдениет және спорт министрлігі, Қазақстан Республикасы Президентінің жанындағы «Қоғамдық келісім» РММ өкілдері және Қазақстан Республикасы Президентінің жанындағы Мемлекеттік басқару академиясының профессор-оқытушылар құрамы қатысуда..

Тыңдаушылар ретінде облыстардың, Астана және Алматы қалаларының жастар мәселелерімен айналысатын мемлекеттік қызметшілері, жастар этномәдени бірлестіктерінің жетекшілері, жастар ресурстық орталықтарының мамандары шақырылған.

Жазғы мектеп шеңберінде «100 нақты қадам» Ұлт жоспарында белгіленген мемлекеттік этносаясаттың міндеттері, оны іске асырудағы жастардың рөлі түсіндірілуде. Ұлттық бірлік пен біртектілікті қалыптастырудағы мемлекеттік жастар саясатының басымдықтары және  жастар арасындағы толеранттылықты қалыптастырудың қазіргі технологияларының мәні талқылануда. Мектеп барысында этностық топтардың мәдениетін сақтап қалу мен дамыту  және Қазақстан халқының бірлігін күшейту жөніндегі  жұмыс тәжірибесімен бөлісу және пікір алмасу үшін пікірталас алаңдары ұйымдастырылды. 

Сондай-ақ, жазғы мектеп бағдарламасы аясында мәдени-ағарту іс-шаралары: қала ішінде экскурсиялар, деректі фильмдер тамашалау, әдебиет кештер және спорттық шаралар ұйымдастырылған.

Нұргуатова Толқын

БҚО «Қоғамдық келісім» КММ-інің баспасөз  хатшысы

Кейін қарай