2025 жылғы 15 қаңтарда Астана қаласының Достық үйінде Қазақстан халқы Ассамблеясының «Жомарт жан» республикалық орталығының отырысы өтті.

Отырысқа ҚР Парламенті Сенатының депутаттары Евгений Больгерт, Закиржан Кузиев, Қазақстан Республикасының Мәдениет және ақпарат вице-министрі Евгений Кочетов, ҚР Мәдениет және ақпарат министрлігі Этносаралық қатынастарды дамыту комитетінің төрағасы Ғалым Шойкин, ҚХА «Жомарт Жан» өңірлік орталықтарының төрағалары, этномәдени бірлестіктер мен қоғамдық құрылымдардың мүшелері қатысты.

Отырыс барысында «Жомарт Жан» орталықтарының 2024 жылғы қызметінің қорытындылары мен 2025 жылға арналған жоспарлары талқыланды.

«Жомарт Жан» республикалық орталығының басшысы Евгений Больгерт, сондай-ақ ҚХА «Жомарт Жан» өңірлік орталықтарының төрағалары қоғамдық жоба қызметінің қорытындылары туралы айтып берді.

Отырыс барысында «Жомарт Жан» орталықтарының ҚХА-ның 30 жылдығына арналған жобаларды ұйымдастыру және іс-шараларды өткізу жөніндегі жоспарларын іске асырудағы негізгі тәсілдері талқыланды. Бұдан басқа, қатысушылар өңірлердегі «Жомарт Жан» орталықтарын дамыту перспективалары туралы пікір алмасты.

Кейін қарай