2015 жылғы 25 тамызда Атырау облысы әкімі аппаратының «Қоғамдық келісім» КММ және Қазақстан халқы Ассамблеясы этномәдени бірлестіктер мүшелерінің ұйымдастыруымен қарттар үйінде Қазақстан Республикасы Конституциясының 20 жылдық мерекесіне арналған қайырымдылық кеші өтті.

2015 жылғы 25 тамызда Атырау облысы әкімі аппаратының «Қоғамдық келісім» КММ және Қазақстан халқы Ассамблеясы этномәдени бірлестіктер мүшелерінің ұйымдастыруымен қарттар үйінде Қазақстан Республикасы Конституциясының 20 жылдық мерекесіне арналған қайырымдылық кеші өтті.

Мереке барысында этномәдени бірлестіктер қарияларға арнап концерттік бағдарламасын тарту етіп, жылы лебіздерін білдірді. Аталмыш мерекеде қарттарымыз риза болып, алғыстарын жаудыртты.

Концерттік бағдарлама аясында қонақтар назарына татар-башқұрт «Татулық» әншілері «булляк» және «тало-тало» грузин «Иверия» би тобы «науриз» «снаури» билері ұсынылып, кәріс этномәдени бірлестігі «Тхоньил» хорының орындауында «Атамекен» әні шырқалды.

Атырау облысы қарттар үйінің директорының орынбасары Кенжеахметова Гүлшара Мүкешқызы өз алғысын білдіріп, ардақты карияларымызға амандық тіледі. Сондай-ақ, қария Иманов Мұхтар жиналған қауымды Қазақстан Республикасының Конституциясы мен Қазақстан халқы Ассамблеясының 20 жылдық мерейтойларымен құттықтап, құрмет көрсеткен азаматтарға ақ батасын берді.

Мерекелік концертке риза болған қарттар, шара соңында ризашылығын жаудырып, көк туы желбіреген казақ елі мен халқына ашық аспан , ел амандығын тіледі.

Кейін қарай