«Қазақстан кәрістері» қауымдастығының Ақтау қалалық филалының өкілдері «Достық үйінде» жиын өткізді. Іс-шара аясында аталмыш бірлестік мүшелері Мемлекет басшысының «Ұлт жоспары – қазақстандық арманға бастайтын жол» атты мақаласын талқылап, өзара пікір алмасты.

Тағылымды іс-шараға «Қазақстан кәрістері» қауымдастығының Ақтау қалалық филалының қариялары мен жастары, Маңғыстау облысы әкімі аппаратының «Қоғамдық келісім» коммуналдық мемлекеттік мекемесінің қызметкелері мен БАҚ өкілдері қатысты.

Салиқалы кездесуді «Қазақстан кәрістері» қауымдастығының Ақтау қалалық филалының төрайымы Райса Маденова-Хван сөз сөйлеп ашты. «Мемлекет басшысының «Ұлт жоспары – қазақстандық арманға бастайтын жол» атты мақаласында әрбір қазақстандықтың арманы жазылған. Біз Елбасы нұсқаған бағыт-бағдармен жүріп отырсақ әлемнің үздік 30 мемлекетінің қатарына оңай кіреміз. Сондай-ақ, Елбасы өз мақаласында қазақстандықтардың басты құндылығы – бірлік пен татулық мәселесіне тоқталған. Иә, шындығында да бірлігі мығым ел қашанда мықты. Армандай білейік, сонда ойлаған армандарымыз және алға қойған мақсаттарымыз орындалады деген сенімдемін»,- деді ол.

Сондай-ақ, жиын аясында В.Цой, М.Ли, Ю.Айтпаева, Д.Ян, А.Ким, сөз алып, Елбасы мақаласы жайлы өз ойларын ортаға салды. Ал, Оңтүстік Кореяда білім алып жатқан И.Ли болса «Бұл мақала әрбір қазақстандықтың жүргенінен ерекше орын алды деп ойлаймын. Себебі, онда барша ортақ мақсаттар жазылған. Тәуелсіз Қазақ елінің жастары Елбасының арманын жүзеге асыруда аянбай еңбек етеді деген сенімдемін», деп ел болашағы жалынды жастардың қолында екендігіне тоқталды. 

Іс-шара соңында қатысушылардың барлығы естелікке суретке түсті.

МОӘА «Қоғамдық келісім» КММ баспасөз қызметі

Кейін қарай