23 Қазан, 2019
2947
2020 жылы таталардың республикалық Сабантойын Шымкентте өткізу ұсынылды
Өткен демалыс күндердің бірінде Қазақстан халқы Ассамблеясы сарайының шаңырағының астында Шымкент қаласының татар-башқұрт этномәдени орталығы ұйымдастырған «Чак-чак байрам» достық мерекесі өтті.
Іс-шараның басты кейіпкері - Чак-Чак ұлттық тәтті тағамы - қала тұрғындарын татулықта және келісімде өмір сүруге деген ынтасы біріктірді.
Шымкенттегі татар мәдениеті орталығының жетекшісі Ася Мұхамедова өз сөзінде қонақжайлылық пен тату көршіліктің және дәстүрлі бауырластықтың дәстүрлерін бейнелейтін Чак-Чак Байрам мерекесі 2020 жылы - Шымкент Достастық елдерінің мәдени астанасы болатын жылы қарсаңында ұйымдастырылғанын атап өтті.
Осыған байланысты келесі жылы республикалық Сабантойды Шымкент қаласында өткізу туралы Қазақстан Республикасының Үкіметіне ұсыныс та енгізілді.
Фестиваль барысында «чак-чак» өндірісі бойынша байқау өткізілді. Көрмеге «Чак-Чактың» 26 түрі қойылды. «Саукеле» деген атпен әзірленген чак-чак тағамы жеңімпаз танылды. Айта кету керек, татар қолөнершілері дайындаған ұлттық тағамдардың әр шедеврі гүлдер мен бал түрлерімен безендірілді.
Татар халқының тіліне және мәдениетіне арналған жиын барысында оның қатысушыларына татар-башқұрт халқының тілі мен мәдениеті, салт-дәстүрлері, мерекелері, ұлттық тағамдары, Қазақстандағы татарлар туралы баяндамалар ұсынылды.
Түрлі этностар өкілдерінің қатысуымен концерт ұйымдастырылды. Қойылымдар мерекелік көңіл-күйді ажарландыра түскендей болды.
Шымкент татар-башқұрт орталығының белсенділері алғыс хаттар алды.
«Қазақстандық татар және башқұрттар конгресі» республикалық қоғамдық бірлестігінің Түркістан облысы бойынша филиалына қатысты келетін болсақ, бүгінгі таңда оның төрағасы Фарит Аюпов. Орталық Түркістан облысы Кентау қаласында орналасқан.
Тарихи мәліметтерге сәйкес, Қазақстанда татарлар мен башқұрттар 18 ғасырда пайда болған. Олар бұрынғы КСРО-ның басқа халықтары сияқты Қазақстанның солтүстік аймақтарына тың және тыңайған жерлерді игеруге келген.
Облыстық татар-башқұрт мәдени орталығы 1995 жылдың 21 қарашасында құрылды.
Ресми деректерге сәйкес облыста 8053 мыңнан астам татар және сегіз жүзден астам башқұрт этностары тұрады. Көптеген татарлар Кентау, Мақтаарал және Сарыағаш аудандарында қоныстанған.
Орталықта «Сабантуй», «Наурыз», «Ораза байрам» мерекелеріне арналған іс-шаралар ұйымдастырылып тұрады, соғыс ардагерлеріне қошамет көрсетіледі.
Орталық жанынан би ұжымы мен вокалдық топ құрылып, жастар қанаты мен Аналар кеңесі жұмыс істейді. Орталық барлық іс-шаралар мен мемлекеттік мерекелерге белсене атсалысады.
Бірлестіктің негізгі мақсаты – ұлттық тілді, мәдениетті, дәстүрлерді дамыту, әр түрлі этностар арасындағы достық, бірлік пен келісімді нығайту. Қазіргі уақытта өз этносының болашағын Қазақстанмен тығыз байланыстыратын татарлар мен башқұрттар егеменді елдің әл-ауқатын арттыру жолында түрлі салаларда жемісті еңбек етуде.
Шымкентте жексенбілік мектеп жұмыс жасайды, оған қатысушылар саны – 35. Этномәдени бірлестікте «Замандашлар» ансамблі мен «Умырзая» балалар ансамблі жұмыс істейді. Бірлестікке жыл сайын облыс әкімінің Гранты бөлінеді, түрлі іс-шараларға облыс бюджетінен қаржылай көмек көрсетіледі.
Ұқсас жаңалықтар
-
АСТАНАДАН ТӘЖІКТЕРДІҢ РЕСПУБЛИКАЛЫҚ ЭТНОМӘДЕНИ БИЗНЕСМЕНДЕРІ 25 МЛН.ТЕҢГЕГЕ ГУМАНИТАРЛЫҚ КӨМЕК ЖІБЕРДІ
-
«Мемлекеттік тілдің мәртебесін көтеруде Қазақстан халқы Ассамблеясы құрылымдарының рөлін арттыру» тақырыбымен ZOOM-конференция өтті
-
Алматы қаласындағы республикалық Достық үйінің ұйымдастыруымен Ұлттық құрылтай отырысына қатысушылармен республикалық онлайн семинар өтті
-
Алматыда Ұлыстың ұлы күні - Наурыз мейрамында қайырымдылық іс-шарасы өтті
-
«Ассамблея жастары» белсенділері «Қоғамдық келісім» КММ қызметкерлеріне ұлттық ойындарды үйретті
-
Ассамблея жастары ұлттық ойындардан сайысқа түсті
19 Сәуір, 21:38
Қазақстан Республикасының «Дустлик» өзбек этномәдени бірлестіктерінің қауымдастығы Петропавл қаласына гуманитарлық көмек жіберді
сегодня, 10:21
Мемлекет басшысының өкімдерімен Қазақстан халқы Ассамблеясы Төрағасының орынбасарлары тағайындалды
сегодня, 11:50
БІРЛІК ЖҮГІРІСІ
сегодня, 11:47
ШЫМКЕНТ Қ. ҚХА МҮШЕЛЕРІ 25 ТОННА ГУМАНИТАРЛЫҚ КӨМЕК ЖІБЕРДІ
сегодня, 17:41
Мемлекет басшысы ҚХА Төрағасының орынбасарларын қабылдады
Ұқсас жаңалықтар
-
АСТАНАДАН ТӘЖІКТЕРДІҢ РЕСПУБЛИКАЛЫҚ ЭТНОМӘДЕНИ БИЗНЕСМЕНДЕРІ 25 МЛН.ТЕҢГЕГЕ ГУМАНИТАРЛЫҚ КӨМЕК ЖІБЕРДІ
-
«Мемлекеттік тілдің мәртебесін көтеруде Қазақстан халқы Ассамблеясы құрылымдарының рөлін арттыру» тақырыбымен ZOOM-конференция өтті
-
Алматы қаласындағы республикалық Достық үйінің ұйымдастыруымен Ұлттық құрылтай отырысына қатысушылармен республикалық онлайн семинар өтті
-
Алматыда Ұлыстың ұлы күні - Наурыз мейрамында қайырымдылық іс-шарасы өтті
-
«Ассамблея жастары» белсенділері «Қоғамдық келісім» КММ қызметкерлеріне ұлттық ойындарды үйретті
-
Ассамблея жастары ұлттық ойындардан сайысқа түсті