9 ақпанда қазақ халқының ақиық ақыны Мұқағали Мақатаевтың туған күнінің құрметіне орай Маңғыстау облысы әкімі аппаратының «Қоғамдық келісім» коммуналдық мемлекеттік мекемесі әдеби-музыкалық кеш өткізді. «Ақтау» ойын-сауық орталығында ҚХА жанындағы «Жас қанат» жастары мен этномәдени бірлестіктер өкілдері  ақынның туындыларын  мәнерлеп оқыды. Өзге ұлт жастары түрлі аспаптарда әуендер ойнады. Әсем ән, күмбірлеген күй, текті сөз ұштасқан іс-шара көрермендерге көтеріңкі көңіл-күй сыйлады.  

Әдеби-музыкалық кештің мақсаты ақын өмірі мен шығармашылығынан мәлімет бере отырып, көпшілікті қазақтың қара өлеңінің құдіретімен  таныстыру және өзге ұлт өкілдеріне ақынның шығармашылығын насихаттау. Іс-шара «Өлсе өлер Мұқағали Мақатаев, Өлтіре алмас алайда өлеңді ешкім,- деп ақынның өзі жырлағандай, Мұқағалидың жауһар жырлары өлмегенін көрсетті.

– «Бүгінгі кеш керемет өтті. Осындай іс-шаралар жастарды ұлтаралық татулық пен келісімге шақырады. Шоқтығы биік қазақ ақынының шығармашылығын қазақ халқы ғана емес өзге ұлттар да ұмытпай, біліп жүруі  тиіс», - дейді «Русское землячество» орыс ЭМБ өкілі, №9 орта мектептің 10 сынып оқушысы Николай Федотов.

Кейін қарай