Қазақстан халқы Ассамблеясының «Мектепке жол» акциясы дәстүрлі түрде өтетін маңызы зор қайырымдылық шаралардың біріне айналып отыр.

Басты мақсаты – аз қамтылған және көпбалалы отбасылардан шыққан балаларға, жетім және ата-анасының қамқорлығынсыз қалған балаларға көмек көрсетіп, қолдау білдіру.

Аталмыш акцияға Ақмола облысы Ассамблеясының этномәдени бірлестіктері мен қоғамдық құрылымдары, атап айтқанда, «Манас» қырғыз, «Чинсон» корей, «Бари» армян этномәдени орталықтары мен Аналар кеңесі белсенді қатысты.

Игі шара аясында «Санги Кабуд» тәжік этномәдени бірлестігі Көкшетау қаласындағы Достық үйінде аз қамтылған және көпбалалы 27 отбасынан шыққан баланы мектепке арналған құрал-жабдықтармен қамтамасыз етті.

Жалпы ҚХА-ның «Мектепке жол» акциясы басталғалы Ақмола облысы Ассамблеясының этномәдени бірлестіктері мен қоғамдық құрылымдары 629 балаға 7,9 млн. теңге сомасына, оның ішінде «Санги Кабуд» тәжік этномәдени орталығы 550 балаға 7,0 млн. теңгеге көмек көрсетті.

Кейін қарай