Қазақстан халқы Ассамблеясы

26 Қараша, 2020

715

Ақтөбе облысының әкімі ҚР Тұңғыш Президенті күніне арналған шараға қатысты

Ақтөбе облысының әкімі Оңдасын Оразалин 1 желтоқсан - Қазақстан Республикасының Тұңғыш Президенті күніне арналған «Қоғамдық келісім» КММ ұйымдастырған «Ортақ шаңырақ астында» атты шарасына қатысты.

Өңір басшысы осыдан 25 жыл бұрын Елбасының бастамасымен құрылған Қазақстан халқы Ассамблеясының қоғамдағы орны мен бір шаңырақ астында ұлттар мен ұлыстарды біріктірудегі рөлдің ерекшелігін атап өтті.


- Халқымызда «Бірлігі бар елдің босағасы берік» деген дана сөз бар. Мағынасы терең, мазмұны ойлы бұл даналықтың нәтижесін біз өз өмірімізден күнделікті анық көріп, ашық сезініп жүрміз. Бірлік болмаған жерде тұрақтылық та, даму да болмайды. Бірлігіміз бекем болсын, баршаңызды маңызды мереке 1 желтоқсан Қазақстан Республикасының Тұңғыш Президенті күні мейрамымен шын жүректен құттықтаймын", - деп атап өтті О.Оразалин.

«Шатлык» Ақтөбе облыстық татар және башқұрт этномәдени, «Әзірбайжандар Қауымдастығы», «Оксана» Ақтөбе облыстық украиндар ұлттық - мәдени орталығы» қоғамдық бірлестіктерінің өкілдері атқарылған жұмыстары туралы баяндады.


Сондай-ақ, облыс әкімі 18 этномәдени бірлестіктің төрағаларына жыл сайынғы қаржылай сыйақысын табыстап, Аналар Кеңесінің мүшелері мен «Бірлік» волонтерлік орталығының белсенділеріне ҚХА төрағасының орынбасары Жансейіт Түймебаевтың атынан алғыс хаттармен марапаттады.


Cалтанатты шара этномәдени бірлестікдердің шығармашылық ұжымдарының мерекелік бағдарламасымен жалғасты.

Кейін қарай