Ақтөбе облысы Қазақстан халқы Ассамблеясы жанындағы Аналар кеңесі Республикалық елді бірлікке, бейбітшілікке үндейтін «Ақ орамал» акциясына өз үлесін қосты. Акция барысында Аналар кеңесінің мүшелері 1 қыркүйек білім мерекесі қарсаңында педагогикалық ұжымдардағы жас аналарға ақ орамал табыстап, оның қадір-қасиетін түсіндірді, «Ақ орамал- асыл аналардың аманаты» атты тәрбиелік іс-шарасы өткізілді.

Іс-шараға өңірімізге белгілі 106 жастағы қарт анамыз Бисенғалиева Жакибай, аналар Кеңесінің мүшелері, облыстық тарихи-өлкетану мүзей қызметкерлері, көп балалы аналар жас педагогтар қатысты.

Іс-шара барысында елді бірлікке, бейбітшілікке үндейтін «Ақ орамал» акциясының символы - өмірдің, ана мен бейбітшіліктің символы ақ, кіршіксіз орамал туралы толыққанды әңгімені аналар Кеңесінің мүшесі Б.Жетесова бастап, дәстүрірім бақыттың бастауы дегендей, ақ орамал, әдемі ақ орамал, пәле менен жаладан пана болар , отбасына бақ тілеп, анам тақсын, құтты болсын ырымдап ал, орап ал, дегендей, киелі ақ орамал қасиеті туралы ой ортаға салынды.

Қатысушылар ақ түс қазақ халқы үшін жанның тазалығын, кеңдігін, ана сүтімен сіңген ақ деген ұғымның мәні тереңде екендігін көрсеткендей болды.

«Ақ орамал- асыл аналардың аманаты» дегендей аналар Кеңесінің жетекшісі Р.Сергалина, төрағасы Ж.Калиева, мүшелері А.Сарыбай, Б.Жетесова жас педагогтарға ақыл-кеңестерін жеткізіп, бізге керегі – бейбітшілік дегендей, жас ұрпаққа аманат ретінде ана жаулығына кір жұқтырмай, ел бірлігі үшін тынбай еңбек етіп, ортақ үйімізде бейбітшілік пен ынтымақ болу үшін, біз барлығымыз рухани нәр алып, күшейіп, бірігуіміз қажет екендігін атап өтіп, жас келіндерге ақ орамал салтанатты түрде табысталды.

Кейін қарай