Қазақстан халқы Ассамблеясы

05 Тамыз, 2021

26

Ақтөбеде «Медиация – уақыт талабы» атты халықаралық конференция өтті

Тәуелсіздіктің 30 жылдығы аясында «Медиация туралы» ҚР Заңының 10 жылдығына, Қазақстан халқы Ассамблеясы медиация институтының 5 жылдығына байланысты 4 тамыз күні ZOOM платформасымен «Ақтөбе облысының медиатолар кеңесі» басшысы, медиатор-жаттықтырушы - С.А Балпеисованың төрағалығымен Ақтөбе қаласының «Халықаралық келіссөздер академиясы» Қауымдастығы» «Медиация-уақыт талабы» тақырыбында халықаралық конференциясын ұйымдастырды.

Іс-шараға еліміздің кәсіби және кәсіби емес медиаторлары, шетелдік медиаторлар және «Қоғамдық келісім» КММ директоры мен қызметкерлері қатысты.

Қазіргі уақытта Америка Құрама Штаттарында тұратын отандасымыз Данна Саммерс «Отбасылық қатынастардағы өзекті мәселелер» тақырыбында қызықты әрі танымдық баяндама жасады. Сондай – ақ, кәсіби жаттықтырушы-медиатор, балалардың құқықтары мен мүдделерін қорғау орталығының талдаушысы, Ұлыбритания медиаторлар алқасының сертификатталған медиаторы, РФ Ұлттық Медиаторлар ұйымының мүшесі, Мәскеу қаласынан жаттықтырушы-медиатор Марина Викторовна Быкованың «Бала және оның медиацияға құқығы» тақырыбындағы баяндамасы объективті болды.

Профессор, заң ғылымдарының кандидаты, Қазақ-орыс халықаралық университетінің «Құқық» кафедрасының меңгерушісі, ҚР РҒА, Ақтөбе қ. Корреспондент-мүшесі Каирова Нелли Имамуратовна мен Коняхин Артем Николаевич - кәсіби медиатор, Ақтөбе облысы Заңгерлер палатасының мүшесі, «Тұтынушылардың құқықтарын қорғау кеңесі» ҚБ басшысының орынбасары өз сөздерінде бүгінгі күні медиацияның рөлі қаншалықты зор, оның артықшылықтары мен болашағы қандай деген сұрақтарға толыққанды жауап берді.

- Тәуелсіздігіміздің ұлы құндылықтарының бірі «Тәуелсіздік. Келісім. Болашағы біртұтас ұлт» - демекші, елімізде Медиация туралы заңның қабылдануы — соның айғағы. Медиация - қоғамда тұрақтылық орнатып, өзге ұлт арасындағы достық пен ынтымақты нығайтушы күш. Дау мен жанжалды бітімгершілік жолымен шешіп, азаматтар арасындағы адами құндылықтарды сақтап қалудың бір жолы деді, - «Қоғамдық келісім» РММ-нің жобаларын іске асыру және құрылымдарымен жұмыс жасау басқармасының басшысы, жаттықтырушы-медиатор Италиева Талшын Мұқатқызы.

Конференция барысында қоғамның құқықтық мәдениетінің даму деңгейін жоғарылатуға арналған қатысушылардың баяндамалары тыңдалып, сұрақтарға жауап беріліп, алдағы уақытқа жоспарланған жобалары талқыланды.

Кейін қарай