28 маусым күні Ақтөбе облысы ҚХА жанындағы Аналар кеңесінің Республикалық «Мәдениетті ана - мәдениетті ұлт» жобасы аясындағы «Кешкі шәй» форматындағы кездесуі өткізілді.

Іс-шараның мақсаты - қоғамда әйел мен ананың рөлін, отбасы құндылықтары мен отбасы институтының маңыздылығын, сондай-ақ жастар мен болашақ ұрпақты рухани-адамгершілік пен патриоттыққа тәрбиелеудегі ата-аналардың рөлін арттыру.

Іс-шара барысында аналар кеңесінің күнделікті тынымсыз тыныс-тіршілігі, өзектi мәселелері отбасыдағы ұрпақ тәрбиесi мен бірқатар ауқымды бастамалары, барлық жағымды жаңалықтарға толы қадамдары, қоғамдағы өміршең өзгерістері туралы бейнесюжет LED экран арқылы көрермендерге ұсынылып, тамашаланды.

Сонымен қатар, Шалқар аудандық аналар кеңесінің төрайымы М. Бекетова аудандағы қайырымдылық істерін атқаруға арналған «Мейірім керуені» атты әлеуметтік кабинеттің жұмысы туралы ақпарат берсе, Ырғыз аудандық аналар кеңесінің мүшесі, аудандық мәслихат депутаты, «Этноауыл» жобасының жетекшісі Қ.Берекеш ұлттық тәрбиенің негізін сақтап, кейінгі ұрпаққа қалтқысыз күйінде жеткізуде, ұмыт болып бара жатқан салт-дәстүрлерді жаңғыртудағы қызметін баяндаса, ал, «Берік отбасы-берік мемлекет» қағидасын дәріптеп, интернационалдық отбасы құндылықтарын насихаттап жүрген отбасылардың отаналары Шалқар ауданынан келген, көпбалалы ана Е.Жилбаева, Ақтөбелік Н.Штемпель мен Р.Клютова ұлтаралық бірлік пен келісімнің киелі бесігі, тұтастық пен тұрақтылықтың құтты шаңырағы отбасы екендігін баяндады.

Кейін қарай