Қазақстан халқы Ассамблеясы

12 Мамыр, 2021

25

Ақтауда этномәдени бірлестіктер 70-тен аса отбасыға қайырымдылық жасады

Ақтау қаласында "Елбасы жылуы" қайырымдылық акциясы өтті. Акция Қазақстанның Тұңғыш Президенті Нұрсұлтан Назарбаевтың бастамасымен еліміздің бірнеше өңірінде өткізілген болатын.


Игі шараға Маңғыстау облысының этномәдени бірлестіктері белсенді қатысты. "Видергебург" неміс этномәдени бірлестігі алғашқылардың бірі болып еңбек майданының ардагерлері Борис Дашковскийге, Роман Воронинге және Мария Воронинаға барып, Жеңіс күнімен құттықтады! "Чосон" корей этномәдени бірлестігінің мүшесі, Ш.Есенов университет студенттері, "Жаңғыру жолы" өңірлік штабының мүшелері Ұлы Отан соғысының ардагерлері Бисен Боқаев пен Асан Аймағамбетовті Жеңіс күнімен құттықтап, оларға азық-түлік жиынтығын жеткізді.

Ардагерлер Елбасыға және барлық қатысушыларға ризашылықтарын білдіріп, алғыстарын айтты. Маңғыстау облысында барлығы 71 отбасы (ардагерлер, тыл еңбеккерлері, ауған жауынгерлері, ЧАЭС салдарын жоюшылар) азық-түлік жиынтықтары мен бірінші қажеттіліктегі тауарларды алды. Әр отбасыға жалпы салмағы 130 келі болатын тауарлар жиынтығын табысталды.


Кейін қарай