Қазақстан халқы Ассамблеясы

27 Қараша, 2020

177

Ақтауда стартап жобалары арасында байқау өтті

Маңғыстау облысы ІСБ «Қоғамдық келісім» КММ-нің әлеуметтік тапсырысы аясында «Жалын PRO» қоғамдық бірлестігі «Стартап кәсіптің бастауы» атты стартап жобасы байқауын ұйымдастырды. Байқау онлайн форматта өткізілді.


Байқауға Ақтау қаласынан 10 топ қатысты. Қатысушылар өздерінің дайындаған стартап жобаларын байқау ережесіне сәйкес ұйымдастырушыларға алдын-ала тапсырды. Қазылар алқасы барлық қатысушылардың жобаларын қарап, жүлделі орындарды анықтады. Қазылар алқасы құрамында «Атамекен» кәсіпкерлік палатасының, Маңғыстау облыстық ішкі саясат басқармасының, Маңғыстау облыстық жастар ресурстық орталығының өкілдері де болды.

Әділ қазылардың шешімімен І орынды Беков Әділжан, ІІ орынды Қалмұқан Жансая иеленсе, ІІІ орынды Муташова Динара өз қанжығасына байлады.

Сонымен қатар, тағы 7 қатысушы топ ынталандыру сыйлығына ие болды. Осы шараның жоғары деңгейде өтуіне атсалысқан қатысушылардың жетекшілері де алғыс хатпен марапатталды.

Кейін қарай