2015 жылғы 12 қарашада Маңғыстау энергетикалық колледжінің студенттері Маңғыстау облыстық «Бекет ата» мешітінің бас имамы Смайл Сейтбековпен кездесті.

2015 жылғы 12 қарашада Маңғыстау энергетикалық колледжінің студенттері Маңғыстау облыстық «Бекет ата» мешітінің бас имамы Смайл Сейтбековпен кездесті.

Іс-шараның ұйымдастырушылары – Қазақстан халқы Ассамблеясының Маңғыстау облыстық хатшылығы мен Маңғыстау облысы әкімі аппаратының «Қоғамдық келісім» коммуналдық мемлекеттік мекемесі.

Аталмыш іс-шараға ҚХА мүшелері, мемлекеттік мекемелер, этномәдени бірлестіктер мен БАҚ өкілдері, колледж студенттері мен мұғалімдері қатысты.

Салиқалы кездесу аясында С.Сейтбеков жастарға түрлі діни ағымдардан аулақ болу керектігін айтты. «Қазіргі таңда әлемде түрлі террорлық ұйымдар жастарды өзіне алдап тартуда. Сендер сондай қауіп-қатерден аулақ болыңдар дегім келеді. Себебі, ислам діні мейірімділік пен жақсылықтың діні. Онда ешқандай зұлымдыққа орын жоқ. Сондықтан, бейтаныс адамдар сіздерді дін жолындамыз деп, танысып, дін үшін террорлық әрекет немесе соғыс жасауға шақырса, ондай адамдардан бойларыңызды аулақ ұстауға тырысыңыздар. Себебі, ислам тек жақсылық пен сыйластықтың діні. Шынайы мұсылман ешқашан адам өлтіруге бармайды және ешқашан қастық әрекет жасамайды», - деді ол.

Жиын барысында этномәдени бірлестік басшылары жастарды өмірді бағалап, түрлі қақтығыстардан аулақ болуға шақырды. Олар сондай-ақ, ұлтаралық келісімді сақтаудың маңызына тоқталды.

Тағылымды шара соңында Маңғыстау облысы әкімі аппаратының «Қоғамдық келісім» коммуналдық мемлекеттік мекемесінің қызметкерлері Елбасының «Ұлт жоспары - 100 нақты қадам» бағдарламасы жазылған және «Маңғыстау-келісім мен бірліктің мекені» атты ақпараттық парақшаларын таратты.

МОӘА «Қоғамдық келісім» КММ баспасөз қызметі

Кейін қарай