Осы күні аса ойшыл, халқының және ұлтының шын жанашыры ұлы Абай осыдан 175 жыл бұрын шығыстан жарқ етіп туатын шолпан жұлдыздай дүние есігін ашқан еді.

Абай - ұлы дейтініміз ол бүкіл адамзат үшін тер төкті, ғылым мен білімі артта қалған халқын әділ сынап қамшылады. Талаптыны қанаттыға жалғады, барша өркениет істерінде алдымен өзі сонан соң айналасын, кейін балаларын оқытып әлемдік өркениеттің ұлы көшіне ілестіруге тырысты. Оған «баламды медресеге біл деп бердім, қызмет алсын, шен алсын деп бермедім», – деп келетін өлең жолдары дәлел.

Адамзаттың бәрін сүй дейтін сөздері нағыз бүгінгі күні қазақ еліндегі татулықтың, толеранттылықтың қағидаларына сабақтасатындай із қалдырды.

Мен өзім Абай шығармаларын оқып отырып бүкіл адамзатқа жолдаған ұлы ойшылдың моральдық дүнйетанымдық имандылық кодексін көретіндеймін.

Баршаңызға мереке құтты болсын және баршаңызды ұлы Абай шығармаларын оқуға, жақсылығын өзіне және ұрпақ бойына сіңіруге шақырамын.

Жұма Нафиса,

Қазалы аудандық Қоғамдық келісім кеңесінің мүшесі,

«Бірлік-Единство» қоғамдық бірлестігінің төрайымы,

өзбек этносының өкілі

Кейін қарай