Алғыс айту күні қарсаңында Маңғыстау ауданының әкімдігі ҚХА Маңғыстау облысындағы хатшылығын, облыс әкімі аппаратының жанындағы «Қоғамдық келісім» КММ қызметкерлері мен этномәдени бірлестік төрағаларын мерекелік іс-шараға шақырды.

Мерекелік іс-шара Маңғыстау ауданының орталығы Шетпе ауылындағы мәдениет үйінде ұйымдастырылған кітап көрмесімен басталды. Оны ұйымдастырушылар қонақтарды Қазақстанның 25 жыл ішінде жеткен жетістіктері жазылған кітаптармен таныстырды.

Іс-шара аясында қонақтар бауырсақ, қазы-карта, ірімшік, айран, шұбат сынды қазақтың ұлттық тағамдары мен сусындарынан дәм татты. Этномәдени бірлестік төрағаларын жергілікті тігіншілердің қолынан шыққан ұлттық киімдер мен зергерлердің жасаған әшекей бұйымдары  таңқалдырды.

Содан соң, Достық үйінде іс-шара қонақтары үшін дайындалған концерт ұсынылды. Концерттік бағдарлама барысында Маңғыстау ауданының әкімі Жармағанбет Айтуаров жиналғандарды айтулы күнмен құттықтап, жүрекжарды тілегін арнады.

-Бүгін Қазақстанның тарихындағы ерекше мерекелерінің бірі. Біз қазақстандықтардың бірлігі мен достығына арналған мерекені атап өтудеміз. Осы атаулы күннің ҚХА құрылған күнге дәлме-дәл келуі кездейсоқ жайт емес. Мемлекет басшысы Нұрсұлтан Назарбаевтың өзі осы күнді алғыс айту күні деп ұсынды. Біз жүзден аса ұлтты бір шаңырақ астына жинаған Елбасына ризамыз және келісім мен бірлікті сақтау жолында қызмет етіп жүрген бір-бірімізге ризамыз.

Содан соң, Ж.Айтуаров қонақтарға мерекеге арнайы дайындалған сыйлықтарды ұсынды.

Маңғыстау ауданында ұйымдастырылған мазмұнды іс-шараға риза болған қонақтар оның барысында сөз сөйлеп, әрқайсысы өз алғысын білдірді.

- Бізді елеп-ескеріп шақырған сіздерге рахмет, - деп бастады сөзін «Видергебурт» неміс этномәдени бірлестігінің төрағасы Сергей Мартын.

- Соғыс жылдарында менің ата-әжемді Қазақстанға күштеп көшірген. Мен күн сайын осында тұратын түрлі этностардың өкілдерімен кездесемін. Бүгінде осындай бейбіт аспан астында өмір сүруіміз қазақтардың арқасы деп білемін. Ал Маңғыстау ауданы - менің жаныма жақын ауданның бірі. Мен 1986 жылы осы жерге келген болатынмын. Осында алғаш жұмысымды бастадым. Сонан бері, маған осы аймақ ерекше ыстық. Маңғыстаудағы барлық немістердің атынан, Қазақстанға ризашылығымды білдіріп, тек табыс пен бейбітшілік тілеймін, - деді ол.

Маңғыстау ауданына, қазақ халқына деген алғыс сезімдерін «Вайнах» шешен-ингуш этномәдени бірлестігінің өкілі Юсуп Баматгереев, «Булгар» татар этномәдени бірлестігінің төрайымы Зульфия Бернеева, «Каспий цемент» ЖШС қызметкері Райхель Вальдемар мен Мекери Атымов атындағы 9 сынып оқушысы Елена Ластовецкая да білдірді.

ҚХА Маңғыстау облысындағы хатшылығының меңгерушісі Гүлжан Исмурзина «Менің көрікті мекенім - Маңғыстау» фото-коллажының авторларына алғыс хат тапсырды.

Содан соң, іс-шара қонақтарының назарына «Тірегіміз - татулық, тілегіміз - тыныштық» атты достық концерті ұсынылды.

Осы күні іс-шара қонақтары «Каспий цемент» ЖШС-на барып, өндіріс орнының жұмысымен танысты. 

МО ӘА «Қоғамдық келісім» КММ баспасөз қызметі

Кейін қарай