Блогер, музыкант Алексей Лодочников:

— Кеше Жастар Ассамблеясында жастар тақырыбы белсенді әрі кеңінен талқыланды. Атап айтқанда жастар қауымы өзекті мәселелер мен жастар белсенділігін дамыту және олардың жұмыс істеуінің жаңа жолдарын қарастыру болды. Осыған орай өз ойымды қосайын деп едім. Ашығын айтқанда әрбір жас азамат үшін өзінің сүйікті ісімен айналысуға, қызықты өнерді меңгеруге барлық мүмкіндіктер бар. Жастар мемлекет тарпынан да қолдау тауып келеді. Сіз жариялаған реформалар жаңа мүмкіндіктер кезеңі дер едім. Әсіресе жастар үшін маңызы зор. Мәселен Жастар кадрлық резервін алатын болсақ, 350 жас маман мемлекет ісініе араласуға жақсы мүмкіндік алды. Сайлау да жастарға депутат ретінде маңызды қоғамдық мәселелерге араласуға мүмкіндік берді. Сонымен қатар өзіңіз жариялаған саяси реформалар елдің тынысын ашты. Ол жастардың мемлекет ісіне араласуына жол ашады. Бұл өте жауапты іс екенін түсінуіміз керек. Саяси партия ашқысы келетіндер өте көп. Саясатқа ойнап емес, ойлану бару керек. Ең дұрысы жастар білікті маман болуы керек. Мен қазақ тілін меңгере алдым. Қазақ тілінде сөйлеймін. Домбырамен қазақ тіліндегі әндерді де ойнаймын. Мен сияқтылар өте көп. Әлеуметтік желіде белсенділік танытып, қазақ тілі мен мәдениетін дамытуға бағытталған контент жүргіземін. Бұл — менің таңдауым. Сондықтан барлығымыз әсіресе жастар Жаңа Қазақстанды дамытуға үлес қосуымыз керек.

Кейін қарай