Алматы қаласы «Ассамблея Жастары» ұйымының мүшелері еліміздің басты мемлекеттік мерекелердің бірі-Қазақстан Республикасының Конституциясы Күнін атап өтті. Қазақстан Конституциясын құру кезіндегі негізгі фактілерді ала отырып, интерактивті ойындар, деректі фильм көрсету мен тарихи фотосуреттер көрмесін ұйымдастырды.

Қазақстан халқы Ассамблеясының мүшесі Рустам Қайыраев құттықтау сөз сөйлеп, әрбір азаматтың өміріндегі ҚР Конституциясының рөлін атап өтті. Бұдан әрі Қазақстан Республикасы Президенті Телерадиокешенінің «КОНСТИТУЦИЯ: әділет және демократия» атты деректі фильмінің көрсетілімі ұйымдастырылды.

Фильм көрсетілімінен кейін «Ассамблея Жастары» ұйымының мүшесі Анастасия Нұғұманова ҚР Конституциясының тарихын білуге арналған интерактивті ойындар өткізіп, Қазақстан Республикасының Әнұраны орындауымен аяқтады. Ойындардың жеңімпазына бағалы сыйлық берілді.

Іс-шара жастар арасындағы Конституция туралы білімін, қазақ жерінде тұратын әрбір адам еліміздің негізгі заңын құрметтеуге және сақтауға тиіс деген ұғымды дамытуға бағытталған. Қазақстанның әрбір тұрғыны әділдікке, заңдылыққа, теңдікке және өзінің болашағына сенімді болуға тиіс. Қоғам мен мемлекет дамуының базалық қағидаттары, адамның, азаматтың және мемлекеттік билік субъектісінің кепілдіктері, құқықтары мен міндеттері Қазақстан Республикасының Конституциясында нақты бекітілген.

Кейін қарай