2022 жылғы 3 қараша күні Қазақстан күрдтерінің «Барбанг» Республикалық Қауымдастығы күрд қоғамының көрнекті қайраткері Бабаев Мамед Сүлейманұлының туғанына 100 жыл толуына арналған халықаралық конференция өткізді.

Конференция Қазақстан халқы Ассамблеясы және Князь Ибрагимович Мирзоевтың қоғамдық қорының қолдауымен ұйымдастырылды.

Іс – шараға «Барбанг» қауымдастығының басқарма мүшелері және Мамед Сүлейманұлының жақындары мен туыстары қатысты.

Салтанатты іс-шараны Қауымдастық төрағасы, ҚХА Кеңесінің мүшесі профессор Алиев Азиз ашты және өз сөзінде Мамед Сүлейманұлы феноменінің дүниежүзілік күрд диаспорасы үшін рөлі мен маңыздылығын атап өтті.

Сонымен қатар Қырғызстанның «Мидия» күрдтер қауымдастығының төрағасы Сейидов Рамазан қайраткердің қоғамдық қызметі туралы айтып берді.

Конференция барысында Мамед Сүлейманұлының замандастары қайраткердің өмірінен қызықты деректері, жеке қасиеттері, жетістіктер туралы әңгімелерімен бөлісті.

Іс-шара соңында барлық қатысушыларға атаулы күннің құрметіне жарияланған республикалық күрд газетінің кезекті нөмірлерін таратты.

Кейін қарай