ҚР Тәуелсіздігі күніне орай Алматы қаласының Достық үйінде Ақпарат және қоғамдық даму министрлігінің қолдауымен Қазақстан халқы Ассамблеясының мемлекеттік тілді дамытуға арналған жыл сайынғы «Ұлы даланың ұлтаралық тілі» атты республикалық форумы басталды.

Форум 2019 жылдан бастап мемлекеттік тілдің қолданылу аясын кеңейтуге үлес қосу мақсатында ашық интерактивті алаң форматында өткізілуде.

Форум жұмысына Қазақстан халқы Ассамблеясы Төрағасының орынбасары М.Әзілханов, ҚР Парламентінің депутаттары, Қазақстанның еңбек сіңірген мәдениет және өнер қайраткерлері, филология және лингвистика саласындағы сарапшылар, қазақ тілінің оқытушылары, ҚХА мүшелері, мемлекеттік органдардың, жастар бірлестіктерінің өкілдері, сондай-ақ мемлекеттік тілді еркін меңгерген Қазақстанның этникалық топтарының өкілдері қатысуда.

Іс-шара барысында қатысушылар мемлекеттік тілдің этносаралық коммуникация тілі ретіндегі рөлін нығайтуды талқылап, өз тәжірибелері мен тілді меңгерудің үздік тәжірибелері, қазақ тілін меңгерген азаматтар үшін «әлеуметтік лифтілердің» дамуы және т.б. туралы айтып бермек.

Форумның екінші бөлімі аясында, яғни ертең, көрнекті қазақ ақын Ж. Жабаевтың 175 жылдығына арналған «Жамбыл Жабаев - Ұлы дала абызы» тақырыбында мемлекеттік тілді еркін меңгерген этнос өкілдері арасында ұйымдастырылған республикалық байқаудың қорытындысы бойынша жеңімпаздарды марапаттау рәсімі өтеді.

Кейін қарай