Қазақстан халқы Ассамблеясы

03 Мамыр, 2024

136

Алматы қаласындағы республикалық Достық үйінде Мемлекет басшысы Қазақстан халқы Ассамблеясының ХХХІІІ сессиясында берілген тапсырмаларын орындау бойынша дөңгелек үстел өтті

Алматы қаласындағы республикалық Достық үйінде Мемлекет басшысы Қ.К.Тоқаевтың Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында берілген тапсырмаларын орындау бойынша дөңгелек үстел өтті.

Іс-шараға Қазақстан халқы Ассамблеясы Төрағасының орынбасары, Қазақстан корейлері қауымдастығының төрағасы Юрий Шин, «DATÜB» Дүниежүзілік ахыска түріктеріодағының президенті, республикалық «Ахыска»түрік этномәдени орталығының төрағасы ЗиятдинКасанов, Абай атындағы Қазақ ұлттық педагогикалық университетінің кафедра меңгерушісі, тарих ғылымдарының кандидаты, саясаттану ғылымдарының докторы Жомарт Симтиков, Каспий университетінің жария құқық Институтының жетекші ғылыми қызметкері, заң ғылымдарының кандидаты Алипаша Караев және Қазақстан халқы Ассамблеясы құрылымдарының өкілдері, этномәдени бірлестіктердің мүшелері мен белсенділері, БАҚ-өкілдері мен жастар қатысты.


Дөңгелек үстел барысында қатысушылар ең алдымен жаңа тағайындалған Қазақстан халқы Ассамблеясы Төрағасының орынбасарын лауазымымен құттықтай отырып Мемлекет басшысының Қазақстан халқы Ассамблеясының алдына қойылған жаңа міндеттер мен тапсырмаларды талқылады.

Қазақстан халқы Ассамблеясының XXXIII сессиясын талқылауға арналған дөңгелек үстел бір деммен өтті. Бүкілқазақстандық бірліктің бірегей моделін қалыптастыруда Қазақстан халқы Ассамблеясына аса маңызды рөл беріледі. Ол қоғамдық келісімді сақтаудың тетігі болып табылады. Кездесу барысында қатысушылар Президенттің жаңа бастамаларына қолдау білдіре отырып, Қазақстан халқы Ассамблеясы алдына қойған негізгі мақсаттар мен міндеттерді іске асыру мақсатында бірқатар жұмыстарды жоспарлады.

Кейін қарай