Жаңа жыл мерекесі қарсаңында Алматы облыстық «Қоғамдық келісім» мекемесінің директоры М.Илипов, Қазақстан халқы Ассамблеясының құрылымдары облыстық Ақсақалдар кеңесінің төрағасы А.Беспаев, Қонаев қалалық Аналар кеңесінің төрағасы Д.Нүсіпбекова мен белсенді мүшесі М.Нұрғалиева Қонаев қаласындағы «Кәусәр» ұлдар интернатына арнайы барып, мерекелік сыйлық ретінде кітаптар тарту етті.

М.Илипов интернат ұжымы мен тәрбиеленушілерін Жаңа жыл мерекесімен құттықтап, Ассамблея жайлы және балаларға арналған ертегі кітаптарды интернат директоры Қ.Биахметұлы мен тәрбиеші Ж.Нәсібаеваға табыстады.

Мерекелік лебізін білдірген Д.Нүсіпбекова кезінде кітаптың ең үлкен сыйлық болғандығын, сол дәстүрдің интернат ұжымында жаңғырып жатқандығы көңілге қуаныш ұялататындығын тілге тиек етті.

А.Беспаев интернат кітапханасының қорын толықтырып жатқан кітаптардың құндылығы жайлы айта келе, ұжым қызметкерлері мен тәрбиеленушілерге ақ батасын берді.

Су жаңа кітаптарға ие болған балалар да қуаныштарын жасыра алмай, өз өнерлерін ортаға салды.

Интернат директоры Қ.Биахметұлы балаларға мереке сыйлаған қонақтарға жүрекжарды алғысын жеткізді.

Кейін қарай