Қазақстан халқы Ассамблеясы

22 Ақпан, 2021

236

Қарағандыда Алғыс айту күніне орай жүзден аса шара өткізілмек

1 наурыз – Алғыс айту күні қарсаңында Қарағандының Достық үйінде облыстық Ассамблея мүшелері бас қосты.

Іс-шара барысында өңірдің барлық елді-мекендерінде Алғыс айту күнін атап өтуге арналған облыстық Қазақстан халқы ассамблеясы мен оның құрылымдары мүшелерінің, жастардың қатысуымен 100-ден астам іс-шара жоспарланып, бастау алғаны айтылды.

Іс-шаралардың басты мақсаты – Қазақстанның Тәуелсіздіктің 30 жылдығында қол жеткен жетістіктерін, елдегі бейбітшілік пен келісімді нығайтуға бағытталған жұмыстарды өкелең ұрпаққа жеткізу.

Сонымен қатар облыстық Қазақстан халқы ассамблеясының Ғылыми-сараптама тобы мүшелері облыстық білім беру мекемелерімен, жоғары оқу орындарымен бірге 1 наурыз - Қазақстан халқы Ассамблеясының құрылған күніне орай салтанатты іс-шаралар, тақырыптық дәрістер, кураторлық сағаттар, ашық сабақтар, байқаулар, көрмелер және басқа да іс-шаралар өткізіп жатыр.

Қазақстан халқы Ассамблеясының мүшесі Рымбала Омарбекова, шешен-ингуш этномәдени бірлестігінің төрағасы Увайс Джанаев, кәріс этномәдени бірлестігінің төрайымы Лилия Ким сөйлеген сөздерінде сындарлы саясаттың арқасында елімізде жалпыұлттық бірліктің бірегей үлгісі қалыптасты. Қазақстанның Тұңғыш Президенті, Елбасы Нұрсұлтан Назарбаевтың басшылығымен құрылған Ассамблеяның рөлі, этносаралық бірлік Тәуелсіз Қазақстанның табысты дамуының көрсеткіші екенін, сонымен қатар қазақ тілін ұлтымыздың ұлы құндылықтарын насихаттау арқылы үйрену мен жетілдірудегі Достық үйіндегі «Мәміле» сұхбат клубының маңыздылығын атап айтты.

Кейін қарай