Қазақстан халқы Ассамблеясы

25 Қараша, 2020

261

Қарағандыда «Алые паруса» байқауы қорытындыланды

Қарағанды қаласының Достық үйінде «Алые паруса» байқауының қорытындысы шығарылды.

Шараның басты мақсаты - ата-анасының қамқорлығынсыз қалған балалардың шығармашылыққа деген сүйіспеншілігін ояту. Қазылар алқасы этномәдени бірлестіктер мен ҮЕҰ өкілдерінен, мәдениет және өнер қайраткерлерінен тұрды.

Түзету мектеп-интернаттары мен балалар үйлерінің 200-ден астам тәрбиеленушілері қатысқан биылғы жылғы байқау ҚР Конституциясы мен Қазақстан халқы Ассамблеясының 25 жылдығын мерекелеуге арналып, онлайн форматта хореография, қолданбалы өнер, бейнелеу өнері, сөйлеу мәнері және аспапта ойнау номинациясы бойынша ұйымдастырылды. Байқаудың ерекшелігі - жанды дыбыстағы концерт Қарағанды облысының түкпір-түкпірінен жіберілген қатысушылардың бейнеклиптерімен алмастырылды.


Марафонның ұйымдастырушылары Ішкі саясат басқармасының «Қоғамдық келісім» КММ, Облыстың білім басқармасы, «Алға-Спартак» балалар-жасөспірімдер спорт клубы және «Нұр Отан» партиясының Қарағанды филиалы.

Естеріңізге сала кетейік, «Алые паруса» марафоны 2009 жылдан бері дәстүрлі түрде өтіп келеді. Негізін қалаушы – «Алға – Спартак» балалар-жасөспірімдер спорт клубынының басқарушысы Валентин Бучин. Валентин Людвиговичтің көптеген марапаттары бар, олардың ішінде «Қазақ КСР халыққа білім беру үздігі» белгісі және «ТМД елдері өнер мектептерінің үздік директоры» ретінде эстетикалық тәрбие қайраткерлерінің халықаралық қауымдастығының дипломы иегері.

- «Алые паруса» байқауы брендке айналып үлгерді. Он бір жыл қатарынан байқауға тағдыры өзгеше дарынды балалар қатысып келеді. Олар ең үздіктердің қатарына қосылып, жетістікке ұмтылуымен таңқалдыруда. Осындай шаралар бәріміз үшін, оның ішінде мүмкіндігі шектеулі адамдар үшін тең қоғам құра алатынымызды дәлелдейді, - дейді "Қоғамдық келісім" басшысы Бахтиар Бекмурзаев.

Барлық қатысушылар сыйлықтармен марапатталды.

Кейін қарай