Қазақстан халқы Ассамблеясы

29 Қараша, 2021

67

Қарағандыда облыстық ҚХА-ның «Бейбітшілк пен келісімге толы 30 жыл» атты XXIV сессиясы болды

Қарағанды қаласының Достық үйінде облыстық Қазақстан халқы Ассамблеясының Қазақстан Республикасының Тұңғыш Президенті күніне арналған «Бейбітшілк пен келісімге толы 30 жыл» атты XXIV сессиясы өтті.

Сессия жұмысына облыс әкімі, Қарағанды облысы Қазақстан халқы Ассамблеясының төрағасы Жеңіс Қасымбек, Қазақстан Республикасы Парламенті Мәжілісінің депутаты, ҚХА мүшесі Шамиль Осин, облыстық Ассамблея мүшелері, қалалар мен аудандардың этномәдени орталықтарының басшылары мен мүшелері, тиісті мемлекеттік органдардың, діни бірлестіктердің басшылары, үкіметтік емес ұйымдардың, бұқаралық ақпарат құралдарының өкілдері онлайн және офлайн форматында қатысты.


Біз жас мемлекетімізді құру үшін бірге жұмыс істейміз. Осы мереке қарсаңында 30 жылды қорытындылау әдетке айналған, - деп атап өтті облыс әкімі Жеңіс Қасымбек. – Егер қазіргі тарих туралы айтатын болсақ, онда біз оны сіздермен бірге жазамыз. Ассамблея мүшелерінің арасында табысты кәсіпкерлер, меценаттар, спортшылар, дәрігерлер, мұғалімдер, еріктілер аз емес.

Өңір басшысы ҚХА-ның азаматтық қоғамды қалыптастырудағы және әлеуметтік дамудағы рөлін атап өтті. Атап айтсақ, «Мың бала», «Ұлы Даланың ұлтаралық тілі», «Мәміле»,«Бұқарекең жырлайды» жобалары табысты жұмыс істеуде.


Шара аясында облыстық Ассамблеяның жаңа төрағалары ҚХА мүшесі, ҒСТ төрағасы, профессор Вилен Молотов-Лучанский мен облыстық Сарыарқа арнасының басшысы Берік Дүйсетаев таныстырылды. Сондай ақ, этномәдени бірлестіктердің өкілдері, меценаттар және белсенді жастар қоғамды біріктіруге, бейбітшілік пен келісімді нығайтуға ықпал ететін жаңа бастамалар туралы ойларын ортаға салды.

Шара соңында «Тұңғыш Президент жолымен – бірлік пен келісімге толы 30 жыл» бейнеролигінің тұсаукесері көрсетілді.

Кейін қарай