Қарағанды облысы Жаңаарқа ауданының Аналар кеңесі "Қазақтану" мәдени-ағартушылық жобасы аясында "Шебердің қолы алтын" челленджін бастады.

Қазақ халқының ұлттық құндылықтарын насихаттау мақсатында ұйымдастырылған бұл челлендж бүкіл Қарағанды өңірінде өтеді. Мысалы, Жаңаарқа ауданында Ырысалды апа Ғалым Жарылғапов атындағы Аграрлық колледжінің "Бұрымды қыздар" клубының қыздарына шапан тігуді үйретті. Бүгінгі таңда көптеген танымал ақындар мен құрметті адамдар осы кісінің қолынан шыққан әдемі киімдерді киеді. Жаңаарқа шапандары Сарыарқаның брендіне айналды деуге болады.

"Біздің ұлттық құндылықтарымыздың бірі - тігін тігу, ата-анадан балаға берілген мұра іспеттес. Мұндай өнерді үйрену өте маңызды, өйткені бұл көпбалалы, жас аналарды, жас қыздарды "Рухани жаңғыру" бағдарламасы мен ҚХА жобасында сипатталған брендті ілгерілетуге мүмкіндік береді",- дейді шебер.

Бір кездері Ырысалды апаның анасы Бошым да осы істің шебері болған. Ол өз қолымен текемет, тұскиіз, сырмақ, тіпті Сәкен Сейфуллиннің өзіне тақия тіккен екен.

"Аналар кеңесін ұлттық құндылықтарымыз жаңғыратын өзіндік мектеп деп атауға болады. Біз осындай іс - шараларды жастар өз мәдениетін ұмытпауы үшін өткіземіз. Себебі, сыртқы әлеммен, басқа мәдениеттермен танысуға, ұйысуға ұмтыла отырып, жас ұрпақ өз тамырын ұмытпауы тиіс", - деп толықтырды Жаңаарқа ауданы Аналар кеңесінің төрайымы Саулеғаным Орынғожина.

Жаңаарқалықтар "Шебердің қолы алтын" эстафетасын Шет ауданына табыстады.

Кейін қарай