Жеңіс күнін атап өту құрметіне орай этномәдени бірлестіктер төрағалары  Достық үйінде соғыс және тыл ардагерлерімен кездесу өткізілді.

                Ұлы Отан соғысының ардагерлеріне Жеңіс күніне арналған «Информбиржа news» редакциясынан  шығарылған «Хронограф Победы» және «Приближали, как могли» атты кітаптардың тұсаукесері өткізілді. Авторлар бұл кітапта соғысқа қатысқан батысқазақстандық  жауынгерлердің ерліктері туралы жазған.

                Бұл кітапта – Базарғали Қуатов, Вячеслав Иночкин, Наталья Смирнова, Евгений Чуринов, Люся Савченко, Наталья Жукова, Людмила Колашникова сияқты авторлардың мақала, очерктері жиналған. Кітапта Ұлы Отан соғысында  батысқазақстандық жауынгерлердің көрсеткен ерліктері және  сұрапыл соғыста бастан кешкен қиындықтарды жеңу жолдары  туралы мәліметтер келтірілген. Аттары аңызға айналған Хиуаз Доспанова, Николай Котельников, Николай Ветров және шайқасқа қатысқан басқа да жерлестеріміздің ерліктері ешқашанда ұмытылмайды. Бірақ, өкінішке қарай,  жауға қарсы шыққан батырларымыздың саны жылдан жылға азайып келеді.

                Қазақстан халқы Ассамблеясы тұрақтылықты нығайту жолындағы қызметтерін жүзеге асыра отырып, патриотизм мен отансүйгіштік рухында өскелең ұрпақты тәрбиелеуде. Бұл  тәрбие ісінде Ұлы Отан соғысының ардагерлерінің рөлі ұшан теңіз.

                Өткізілген іс-шара соңы концертпен аяқталып, ардагерлерге кітаптар және сыйлықтар табысталды.  

БҚО әкімі аппаратының «Қоғамдық келісім» КММ – сі.

Кейін қарай