2023 жылғы 12 желтоқсанда Астана қаласының Достық үйінде Ш.Айтматовтың 95 жылдығына арналған «Шыңғыс Айтматов. Дәуір. Тұлға. Гуманизм» атты халықаралық конференция өтті.

Модератор – қырғыз этномәдени бірлестігінің төрағасы, ҚХА Кеңесінің мүшесі Шавкат Исмаилов болды.

Іс-шараға Қазақстан халқы Ассамблеясы Төрағасының орынбасары – ҚР ПӘ ҚХА Хатшылығының меңгерушісі Марат Әзілханов, ҚР Парламенті Сенатының депутаты Дархан Қыдырәлі, Астана қ. Ішкі саясат басқармасының басшысы Нұрдәулет Әлмұханов, Қырғыз Республикасының ҚР-дағы Төтенше және Өкілетті Елшісі Дастан Дүшекеев, Әзербайжан Республикасының ҚР-дағы Төтенше және Өкілетті Елшісі Агалар Атамогланов, Өзбекстан Республикасының ҚР-дағы Төтенше және Өкілетті Елшісі Саидикрам Ниязходжаев, қоғам қайраткері, «Қырғыз тілі» республикалық қоғамының президенті (Қырғыз Республикасы) Райымжан Құрбанов, философия докторы, әдебиеттанушы, жазушы Ш.Айтматов (Германия) туралы кітаптардың авторы Гучка Ирмтрауд, сондай-ақ этномәдени бірлестіктердің өкілдері мен ҚХА мүшелері қатысты.

Халықаралық конференция аясында белгілі жазушы Шыңғыс Айтматовтың шығармашылығы бойынша эссе байқауының жеңімпаздарын марапаттау рәсімі өтті. Сондай-ақ, шара бағдарламасына сәйкес қонақтар Астана қаласының Достық үйінде ҚХА және ЭМБ қызметімен танысты.

Іс-шара қорытындысы бойынша екі ел арасындағы ынтымақтастықты нығайтуға елеулі үлес қосқан Елшілерге ТҮРКСОЙ-дың мерейтойлық медальдары табысталды.

Кейін қарай