Халықтың қамын ойлаған Атырау облысы Қазақстан халқы Ассамблеясы жанындағы кәсіпкерлер ассоциясының мүшесі Владимир Розметов бүгін Құрманғазы ауданының тұрғындарын бір қуантып тастады.

Гуманитарлық көмек ретінде резервте тұрған 20 тонна көкіністі аталмыш ауданға жөнелтті. Оның 15 тоннасы - картоп, 5 тоннасы - пияз. Өнімдер ауданға жеткеннен соң ауыл тұрғындарына тегін таратылатын болады. Бір айға жарияланған төтенше жағдай кезінде бұл үлкен көмек, дейдң Ассамблея мүшелері.

Айта кету керек, 19 ауылдық округі және 49 ауылдық елді-мекені бар Құрманғазы ауданы Атырау облысы орталығынан шалғай жатқан аудандардың бірі. Ресей Федерациясының Астрахань қаласымен шекаралас. Аудан халқы күнделікті азық-түлігін көрші елден сатып алып отырады. Ал, жарияланған төтенше жағдайға байланысты құрманғазылықтардың шекарадан өтуіне мүлдем тиым салынған еді.

«Атырау агроөнімдері» шаруа қожалығы басшысының бұл жалғыз ғана игі ісі емес. Бүгінгі күнге дейін ҚХА мүшесі, кәсіпкер жетім мен жесірге, қарттар мен мүгедектерге, білімді жастарға қайырымдылық жасап, қамқорлығын танытып келеді.

Кейін қарай