2015 жылғы 17 қазанда Астанада, ҚР Ұлттық академиялық кітапханасында Қазақстан Республикасы Мемлекеттік хатшысы Гүлшара Әбдіқалықованың қатысуымен Қазақстан халқы Ассамблеясы Кеңесінің кеңейтілген отырысы болып өтті. 

Кеңес жұмысына ҚР Парламентінің депутаттары,  Президент Әкімшілігінің, мемлекеттік органдардың өкілдері, этгомідени орталақтарының өкілдері, ғылыми-сараптамалық кеңестің мүшелері, БАҚ және шетелдік қонақтар қатысты. 

Отырысқа қатысушылардың алдында сөйлеген сөзінде Гүлшара Әбдіқалықова Мемлекет басшысы Н.Ә.Назарбаевтың Бес институционалдық реформасын, «100 нақты қадам» Ұлт жоспарын іске асыру мемлекеттік және қоғамдық институттардың жұмысын тереңінен қайта форматтауды көздейтінін атап көрсетті.

Осыған байланысты қоғамдық келісім мен жалпыұлттық бірлікті қамтамасыз ететін негізгі институттардың бірі ретінде Қазақстан халқы Ассамблеясының рөлі ерекше арта түседі. 

Мәдениет және спорт министрі А .Мұхамедиұлы, ҚХА Төрағасының орынбасары, республикалық корей музыкалық комедия театрының  директоры Л. Ни, Қарағанды облысының әкімі Н. Әбдібеков, ҚХА Хатшылығы меңгерушісінің орынбасары Л. Прокопенко баяндама жасады.

Кеңес мүшелері Қазақстан халқы Ассамблеясы жылының іс-шараларының іске асырылу барысы мен қорытындыларын, сондай-ақ Қазақстан халқы Ассамблеясының 2025 жылға дейінгі даму тұжырымдамасын қарады.