Форум жұмысына Қазақстан Республикасы Президенті Әкімшілігі Қазақстан халқы Ассамблеясы Хатшылығы меңгерушісінің орынбасары Л.А.Прокопенко қатысып, «Қоғамдық келісім» кеңестерінің ҚХА ХХІҮ сессиясы «Тәуелсіздік. Келісім. Болашағы біртұтас ұлт»мән мәтініндегі міндеттері туралы» баяндама оқып, Қазақстан Республикасы Тәуелсіздігінің 25 жылдығына арналған іс-шаралар аясында өтіп жатқан кеңейтілген отырыс тың идеялар мен форумның мақсат-міндетінің жүзеге асуына үлкен септігін тигізетіндігін айтып өтті.

Одан кейін сөз алған мысты шаһар басшысы Б.Д.Ахметов республиканың әр өңірінен және шет мемлекеттерден келген меймандарға алғысын білдіріп, нәубет жылдарда, аштықтан қырылған бейбіт халық пен мемлекеттің дамуы жолында жазықсыз «халық жауы» атанып, өлім жазасына кесілген  - саяси қуғын-сүргін және ашаршылық құрбандарын еске алу күнінің маңызына тоқталды.

Дүбірлі жиынға ҚХА мүшелері, ҚР Парламенті Мәжілісінің депуттары, академик, профессор, философия докторы Қ.М.Қазкенов, сонымен қатар еліміздің барлық аймағынан делегаттар қатысып, азапталған азаматтарды, зардабы көп күндерді еске алды.

Қоғамдық келісім кеңесінің кеңейтілген отырысынан кейін форум делегаттары Жезқазған тарихи-археологиялық мұражайында болып, С. Қожамқұлов атындағы музыкалы-драма театрында «Сәкеннің соңғы сәті» қойылымын тамашалады.