Қазақстан халқы Ассамблеясы

30 Тамыз, 2022

284

Қазақстан халқы Ассамблеясы Сіздерді Конституциясы күнімен шын жүректен құттықтайды!

Құрметті қазақстандықтар!

​Қазақстан халқы Ассамблеясы Сіздерді мемлекеттік мереке – Қазақстан Республикасының Конституциясы күнімен шын жүректен құттықтайды!

​Мемлекетіміздің негізгі Заңында қоғамдық келісім мен жалпыұлттық бірліктің қазақстандық моделінің құқықтық негізі сәтті іске асырылған. Конституция түрлі этностардың өкілдері достық пен келісімде, ортақ мақсаттар мен біртұтас болашақты құру мақсатында өмір сүретін мемлекетті құру үшін берік негіз болды.

​Ағымдағы жыл біздің мемлекетіміз бен қоғам өміріндегі сыни сынақтармен және тағдыршешті өзгерістермен есте қалды.

​Қазақстандықтар жалпыреспубликалық референдумда өздерінің ерік-жігері мен прогреске және жаңаруға деген ұмтылысын білдіре отырып, Мемлекет басшысының бастамасымен еліміздің негізгі Заңына енгізілген түзетулерді қолдады.

​Жаңартылған Конституция саяси жүйені ауқымды ырықтандыру, мемлекет пен қоғам арасында жаңа қатынастарды қалыптастыру, азаматтардың құқықтарын кеңейту үшін берік іргетас болып табылады және Жаңа Қазақстанның іс жүзінде құрылуы мен Екінші республиканы құрудың бастауы болды.

​Жаңартылған Конституция мерекесін қарсы ала отырып, біз бәріміз бейбітшілік пен тыныштықта өмір сүру, Қазақстан халқының барлық алуан түрлілігіндегі бірлігі мен тұтастығын нығайту, азаматтық жауапкершілікті, адамдардың әл – ауқатын арттыру, қоғамдағы тұрақтылықты сақтау сияқты басты мақсатымыздың тереңдігі мен маңызын терең түсінеміз.

​Осы мереке күні барлық қазақстандықтарға шын жүректен бейбітшілік, табысты жетістіктер мен амандық тілейміз! Сіздердің үйлеріңізде бейбітшілік, келісім мен береке орнасын.

Құрметпен,

Қазақстан халқы Ассамблеясы

Кейін қарай