Құрметті достар!

Наурыз мейрамының бастауы Көрісу күні құтты болсын!

Көрісу күні, яғни Амал мерекесі - қазақ халқының ежелден келе жатқан құндылыққа толы дәстүрі.

Бұл күні адамдар бір-біріне амандасып, жақсылық тілейтін, қуанышпен қауышып, жасы үлкенге ізет көрсетіп, ілтипат білдіретін тамаша мейрам. Өкпе-реніш пен араздықты ұмытып, көңіл жадырап, жүректер жылулыққа толатын күн.

Көріскенде міндетті түрде айтылатын «Бір жасың құтты болсын!» әдемі тілегінің астарында «Осы жылға аман-есен жетуіңмен!» деген терең мағына жатыр.

Татулыққа бастап, ынтымағымызды нығайтатын, ақ бата мен молшылыққа толы мереке әр шаңыраққа ырыс-құт, бақ-береке әкелсін!

Қуанышпен көрісіп, жақсылықта жүздесейік!

Кейін қарай