Қазақстан халқының бірлігі күні қарсаңында Атырау қаласының Достық үйінде Қазақстан халқының ұлттық тағамдарының онлайн байқауының марапаттау рәсімі өтті.

«Қоғамдық келісім» КММ-нің ұйымдастыруымен әлеуметтік желі арқылы Атырау тұрғындары арасында 15-30 сәуір аралығында өткен Қазақстан халқының ұлттық тағамдарының онлайн байқауының мақсаты - этномәдени бірлестіктердің ұлттық тағамдарын жаңғырту.

Байқау шарттары бойынша қатысушылар ұлттық тағамдарды кезең-кезеңмен дайындап, ауызша сүйемелдеумен бейнеролик арқылы жолдады. Байқаудың қорытындысы әлеуметтік желілерде дауыс беру жолымен анықталды.

Қорытынды бойынша қазақ халқының «Жау жүрек» тағамы – 199 дауыс, өзбек халқының «Палау» тағамы – 62 дауыс, татар халқының «Чак-чак» тағамы – 30 дауыс, ұйғыр халқының «Лағман» тағамы – 16 дауыс, татар халқының «Гаробия» тағамы -14 дауыс жинады.

Барлық жеңімпаздарға ақшалай сертификаттар мен дипломдар табысталды.

Сол сияқты Қоғамдық келісім» КММ-нің ұйымдастыруымен қалалық мектеп оқушылары арасында 15-25 сәуір аралығында «Тілге құрмет-елге құрмет» онлайн байқауы өтті. Байқаудың мақсаты - мемлекеттік тілді насихаттау және қолданылу аясын кеңейту.

Мереке қарсаңында «Тілге құрмет-елге құрмет» онлайн байқауының марапаттау рәсімі өтті.

Жалпы байқауға түрлі этнос өкілдерінен 12 оқушы қатысты. Комиссия құрамы мүшелерінің шешімі бойынша 1 орынды № 31мектеп гимназиясының оқушысы әзірбайжан ұлтының өкілі Тажиева Наргиз ( сертификат 30 000 теңге), 2 орынды №16 мектеп-лицейінің оқушысы татар ұлтының өкілі Мустафаева Диана ( сертификат 20 000теңге) иеленсе, 3 орынды №5 орта мектептің оқушысы орыс ұлтының өкілі Мухаева Милора және «Тағылым орта мектебінің оқушысы иорданец ұлтының өкілі Аль-Деек Набиль ( сертификат әрқайсысына 10 000 теңге) бөлісті. ал 8 оқушы белсенді қатысқаны үшін Алғыс хаттармен марапатталды.

Кейін қарай