2025 жылғы 28 наурызда Астана қаласының Достық үйінде ҚХА-ның 30 жылдығы аясында Қазақстан халқы Ассамблеясы Кеңесінің отырысы өтті.

Отырысқа ҚХА Төрағасының орынбасары – ҚР Президенті Әкімшілігі ҚХА Хатшылығының меңгерушісі Марат Әзілханов, ҚР Парламентінің депутаттары, ҚР Мәдениет және ақпарат вице-министрі Евгений Кочетов, ҚХА Төрағасының орынбасарлары Лугмар Буларов пен Юрий Шин, Қазақстан халқы Ассамблеясы Кеңесінің мүшелері, республикалық этномәдени бірлестіктердің басшылары, ҚХА қоғамдық құрылымдарының өкілдері және т. б. қатысты.

Отырыс барысында Марат Әзілханов Қазақстан халқы Ассамблеясының 30 жыл ішіндегі жетістіктеріне, елдегі қоғамдық келісім мен жалпыұлттық бірлікті сақтаудағы ҚХА қоғамдық құрылымдарының рөліне назар аударды. Сондай-ақ, ҚХА кеңесінің мүшелерін Қазақстан халқы Ассамблеясының 30 жылдығын ұйымдастыру және өткізу жөніндегі бекітілген іс-шаралар жоспары аясында жүзеге асырылып жатқан шаралар туралы хабардар етті.

Сондай-ақ, Кеңес жұмысы барысында Евгений Кочетов Мемлекет басшысы Қ.К. Тоқаевтың Қазақстан халқы Ассамблеясының ХХХІІІ сессиясында берген тапсырмаларын Мәдениет және ақпарат министрлігі және басқа да мемлекеттік органдар мен қоғамдық ұйымдардың орындауы туралы баяндады.

Өз кезегінде ҚХА Төрағасының орынбасарлары Лугмар Буларов пен Юрий Шин Қазақстан халқы Ассамблеясы Төрағасының қоғамдық орынбасарлары ретінде атқарған жұмыстары туралы баяндама жасады.

Сонымен бірге, Кеңес мүшелері Қазақстан халқы Ассамблеясының және ҚХА Кеңесінің жаңартылған құрамын қарастырып, ҚХА Аналар кеңесінің Үлгілік ережесін бекітті.

Кейін қарай