2025 жылғы 11 наурызда Л.Н.Гумилев атындағы Еуразия ұлттық университетінде этномәдени бірлестіктердің басшыларына арналған «Азаматтық қоғам өкілдерімен жұмыс кезінде басқарушылық, коммуникациялық дағдылар мен құзыреттер» практикаға бағытталған курс басталды.

Аталған курсты «Шаңырақ» Қазақстан халқы Ассамблеясы кафедралары қауымдастығы» РҚБ және Қазақстан Республикасы Мәдениет және ақпарат министрлігінің «Қоғамдық келісім» РММ «ҚХА Академиясы» оқыту бағдарламасы аясында ұйымдастырды.

Бірінші күні ҚХА Академиясының модульдік оқыту бағдарламасының ресми ашылуына Қазақстан халқы Ассамблеясы Төрағасының орынбасары Марат Әзілханов, Л.Н. Гумилев атындағы ЕҰУ ректоры – Басқарма төрағасы Ерлан Сыдықов, ҚР МАМ Этносаралық қатынастарды дамыту комитетінің басшылығы қатысты.

5 күндік модульдік оқыту бағдарламасы аясында спикерлер ретінде этносаралық қатынастар саласындағы мемлекеттік органдардың өкілдері, Л.Н. Гумилев атындағы Еуразия ұлттық университеттің профессорлық-оқытушы құрамы, сондай-ақ сарапшылар, талдаушылар және практика спикерлері болады.

ҚХА Академиясының бағдарламасын сәтті тәмамдаған қатысушыларға Л.Н. Гумилев атындағы Еуразия ұлттық университеті атынан сертификаттар табысталады.

Кейін қарай