Қазақстан халқы Ассамблеясы

19 Ақпан, 2024

92

БҚО-ДА ЖУРНАЛИСТЕР КЛУБЫНЫҢ ОТЫРЫСЫ ӨТТІ

Орал қаласының Достық үйінде Батыс Қазақстан облысы Қазақстан халқы Ассамблеясының Журналистер клубының кеңейтілген отырысы өтті.

Қатысушылар арасында клуб мүшелері, бұқаралық ақпарат құралдарының, аймақтың ҚХА қоғамдық құрылымдарының басшылары болды. Күн тәртібінде БҚО ҚХА Журналистер клубының төрағасы Асланбек Ғұбашевтың басшылығымен ағымдағы жылға арналған жұмыс жоспары және Журналистер клубының жаңа құрамы талқыланды.

Басқосуға жиналғандар іске асырылған жобалармен белсенді түрде бөлісіп, өңірдегі журналистиканы одан әрі дамыту жоспарлары бойынша ұсыныстар енгізді. Талқылау барысында қазіргі заманғы медиасфераға, журналистердің этикасына және олардың қоғамдағы рөліне қатысты әртүрлі тақырыптар қозғалды.

Осындай іс-шаралар журналистердің кәсіби қауымдастығын қалыптастыруда маңызды рөл атқарып, білім мен тәжірибе алмасуға, сондай-ақ өңірде сапалы журналистиканың дамуына ықпал ететіні сөзсіз. Отырыс қорытындысы бойынша ағымдағы жылға арналған жұмыс жоспары және өңірлік журналистер клубының жаңартылған құрамы бекітілді.

Кейін қарай