Қазақстан халқы Ассамблеясы

04 Шілде, 2020

182

БҚО: Кәріс мәдени-ағартушылық бірлестігі сауықтыру саябақтарын ашты

Елорда күніне орай, қазақ және кәріс халықтарының достығының таңбасы ретінде, Батыс Қазақстан облысы әкімінің орынбасары С.Р.Егізбаев және Орал қаласының әкімі А.А.Шыныбековтың қатысуымен, БҚО ҚХА Кәріс мәдени-ағартушылық бірлестігінің "Бес ұрпақ" және "Денсаулық жолы" сауықтыру саябақтарының салтанаты ашылуы өтті.


- Қазақстанда 120-дан астам ұлт өкілдері тұрады, әрқайсысы өз салт-дәстүрлерін сақтай отырып, біздің жас егеменді мемлекетіміздің дамуына үлестерін қосуда. Республикада адамның құқықтары мен бостандықтарын құрметтеу, ұлтаралық келісім мен өзара ынтымақтастықты нығайту қағидаттарына негізделген оның барлық азаматтары арасындағы қарым-қатынастардың өзіндік ерекше үлгісі бар. Қазақстан кәрістері өзінің мәдениеті мен дәстүрлерін сақтап, ұрпақтарына мұра ретінде қалдырып келеді. Сонымен қатар, халық шаруашылығының барлық салаларында, атап айтқанда - экономика, ғылым, білім, мәдениет, өнер мен спорт көпұлтты қазақстандық қоғамды дамытудағы кәріс диаспорасының рөліне де назар аударылды, - деп атап өтті БҚО ҚХА төрағасының орынбасары Ғайса Қапақов.


- Қазақстанда жүз мыңнан астам кәріс ұл өкілдері тұрады. Олар өздерін "Коре Сарам" деп атайды, сонымен қатар еліміздің ең еңбекқор және құрметті ұлттық диаспораларының бірі болып саналады. Қазақстанның кәріс диаспорасы бұрынғы Одақ ыдырағаннан кейін туындаған қиындықтарды бастан кешірді, жас мемлекеттің қалыптасуының әрбір кезеңіне белсенді қатысты. Бүгінде кәрістер көпұлтты Қазақстан қоғамының ажырамас бөлігіне айналды.


Қазақстан Республикасының Тұңғыш Президенті Н.Ә.Назарбаев «кәрістер - бұл республика ажырамас бөлігі болып табылатынын атап өтті. Бұл жерде кәріс халқының көптеген ұлдары мен қыздарының өз бақыттарын тапты. Кәрістер - Қазақстан Республикасының толық құқылы азаматтары деп сеніммен айтуға болады». Батыс аймақтағы кәріс диаспорасының атынан баршаңызға денсаулық пен амандық тілеймін, - деді кәріс қоғамдық бірлестігінің төрағасы Виталий Ан.


Кейін қарай