Қазақстан халқы Ассамблеясының 25 жылдығына орай ұйымдастырылған «Тұңғыш Президент жолымен» атты халық экспедициясының эстафетасын тапсыру мақсатында Батыс-Қазақстан облысы Ақжайық ауданының делегациясы Жаңақала ауданында болды.

Ақжайық ауданы әкімінің орынбасары Тілек Габдушев бастаған делегация мүшелері «Достық» алаңында өнер қайраткерлерінің ескерткішіне гүл шоқтарын қойды. Одан кейін эстафетаға қатысушылар бес диалог алаңында пікір алмасты.

«Хакатон» форматындағы бірінші диалогтық алаңда «Қоғамдық келісім мен жалпыұлттық бірлікті нығайтудағы Елбасының тарихи рөлі» тақырыбында Ақжайық және Жаңақала ауданының қоғамдық келісім кеңесінің белсенді мүшелері бас қосты.

Екінші диалогтық алаң «Ата сөз – бата сөз» деп аталды. Мұнда екі ауданның ақсақалдары, ардагерлер кеңесінің мүшелері өскелең ұрпақты тәрбиелеу, мемлекеттілік пен тұрақтылықты сақтаудың маңыздылығы туралы айтты.

Үшінші алаңда облыстық ҚХА жанындағы Аналар кеңесі ҚР Президенті Қ. Тоқаевтың «Сындарлы қоғамдық диалог - Қазақстанның тұрақтылығы мен өркендеуінің негізі» атты Жолдауында және Елбасының «Рухани жаңғыру» бағдарламасында айтылған міндеттерді шешу жөніндегі жұмысы туралы сөз қозғады.

Төртінші диалогтық алаң жұмысында Тұңғыш Президент Нұрсұлтан Назарбаевтың Қазақстан халқы Ассамблеясының қалыптасуы мен дамуына қосқан үлесі мен жергілікті этномәдени бірлестіктер қызметінің нәтижелерін жан-жақты талқыланды.

Бесінші алаң «Медиация және дебаттар: жақындасу нүктелері» тақырыбын талқылауға арналды, оған кәсіпқой емес медиаторлар, құқық қорғау органдарының қызметкерлері қатысты.

Күннің екінші жартысында эстафета аудандық мәдени-демалыс орталығында жалғасты. Мұнда «Елбасы жолымен» көрмесі, сондай-ақ суреттер, қолданбалы өнер бұйымдарының көрмесі ұйымдастырылды. Көрермендер Ақжайық ауданы әртістерінің концертін жылы ықыласпен қарсы алды.

Кейін қарай