«Тілдарын» тілдерді  оқыту инновациялық технологиялары әдістемелік орталығының  әдіскері Баян  Алиева Ресей Федерациясының Самара, Саратов, Омбы тағы да басқа облыстарынан   келген жастары үшін қазақ тілін «Тілдарын» әдістемесі бойынша үйрету сабағын өткізді.

Жастар  әдемі әуен тындап, ол әуеннен алған әсерлерімен бөлісті, бір бірімен танысып, қазақ тілін білгісі келетіндігін айтып сабаққа қуана қатысты.

Барақова Ляйсан,  Самара қалсынан келген жас қыз өзінің болашағын тарихи Отаны, атамекені – Қазақстанмен байланыстырғысы келетінін айтты, биыл отбасы жағдайы бойынша Астанаға бара алмағанын да жасырмай айтып, Казақстан оған ыстық екенін әсерлеп қазақ тілінде жеткізуге тырысты.

Сол күні «Өз – өзіңе сен» атты  шеберлік кластарын  Жас көшбасшылар ассоциациясының мүшесі    Бірманов Есетжан өзінің замандастарымен сөз сөйлеу шеберлігі, аудиторияны қалай ұстау  керектігі туралы ақпаратпен бөлісті.

Лагерде өткен бірінші күнде  жастар көп  іс-шараларға қатысып, ақпараттарға толы кешті   «Жас болу қалай қиын» атты  пікіралысумен аяқтады,  кәсіподақтар бірлестігінің жас көшбасшысы  Максим Споткай және  «БҚО жастарының ассоциациясы» бірлестігінің  төрағасы   Ермек Мұқамбетқалиев өз шеберлік – класстарында  жастарды түрлі тақырыптарға тартып,  қызықты дебат түрінде  өткізді.

«Евразия» туристік кешенінің табиғаты, жағажай, гитарамен ән салу, түнгі Оралға экскурссия жас көшбасшылардың басқосуын әсерлі ете түсті.

БҚО әкімі аппаратының «Қоғамдық келісім»КММ баспасөз қызметі

Кейін қарай