Байқоңыр қаласы әкімшілігінің бастамасымен дәстүрлі «Халықтар достығы» ұлттық мәдени фестивалі өтті.

Фестиваль түрлі халықтардың мәдениетімен және дәстүрлерімен танысу, әртүрлі халықтардың рухани және эстетикалық құндылықтарына төзімді қарым-қатынасты қалыптастыру және ұлтаралық байланыстарды нығайту мақсатында ұйымдастырылды.

Достық мерекесінде Қызылорда облысының атынан 200-ден астам адам қатысып, фестиваль орталық алаңда көптеген көрермендерді жинады.

Достық мерекесінің концерттік бағдарламасына алты облыстық этномәдени бірлестік қатысты.

Салт-дәстүрлерді көрсету, түрлі-түсті костюмдер, этномәдени бірлестіктердің өзіндік ұлттық музыкасы көрермендердің жүрегіне жол тапты.