Қазақстан халқы Ассамблеясы

03 Шілде, 2021

69

Баянауылда ҚХА тілдік лагері өз жұмысын аяқтады

Павлодар облысында Қазақстан халқы Ассамблеясы мен Достық үйі ұйымдастырған этномәдени бірлестіктердің өкілдеріне арналған тілдік лагерь өзінің маусымдық жұмысын аяқтады.


Этно бірлестіктердің белсенділері, әдіскерлер, этнобілім беру кешендерінің жаттықтырушылары, Достық үйінің қызметкерлері, жастар, сондай-ақ мемлекеттік тілді оқыту мен оқыту әдістемелерінің авторлары, психологтар мен этнопсихологтар қазақ халқының өмір сүру ерекшеліктерінен хабар алып, мәдениет пен дәстүрлер әлеміне енуге мүмкіндік алды.

Ұйымдастырушылардың айтуынша, жобаның басты мақсаты - оқытудың жаңа әдістерін енгізу, оны болашақта этносаралық коммуникация саласында қолдану үшін жағдай жасау арқылы мемлекеттік тілдің қолданылу аясын кеңейту.

Лагердегі 5 күн ішінде қатысушылар өздерінің практикалық дағдылары мен мемлекеттік тіл бойынша білімдерін шыңдады. Сонымен қатар, олар түрлі этностардың мәдени мұрасымен және өнерімен танысты, еліміздегі барша этнос өкілдерімен бірге командалық ойындарға қатысты.

Тәжірибелі спикерлердің жетекшілігімен олар қазақ халқының мәдениетін зерттеді: ұлттық тағамдарын дайындады, ойындарын ойнады, сонымен қатар Павлодар қаласының көрікті жерлерін аралады.

Лагердің ерекшелігі сол – тез жалықтыратын теориялардың орынын қызықты итерактивтер басты. Сондықтан да жастар алған ақпаратты ұзақ уақыт есте сақтап, мемлекеттік тілді күнделікті өмірде оңай қолдана алады.

Лагерь соңында барлық қатысушыларға сертификаттар табысталды.

Кейін қарай