Қазақстан халқы Ассамблеясы

05 Желтоқсан, 2023

71

«Бейбітшілік және келісім жолымен» Халық экспедициясының мүшелері Павлодарға келіп, ҚХА этномәдени бірлестіктердің өкілдерімен кездесті

«Бейбітшілік және келісім жолымен» Халық экспедициясының мүшелері Павлодарға келіп, ҚХА этномәдени бірлестіктердің өкілдерімен кездесті

Қазақстан халқы Ассамблеясының республикалық «Бейбітшілік және келісім жолымен» Халық экспедициясының мүшелері Павлодарға келіп, ҚХА этномәдени бірлестіктердің өкілдерімен кездесті.

ҚХА мүшесі, Қазақстанның ұйғыр жастар одағының төрағасы Рустам Қайрыевтің пікірінше, Ертістегі Павлодар өңірінде Қазақстан халқы Ассамблеясы өте белсенді жұмыс істейді. Рустам Қайрыев өз сөзін «қайта жүктеу» -ден бастағаны тегін емес. Бұл Ассамблеяға қатысты айтылған болатын.


Қазір заманға сай қызықты жаңа жобалар мен шығармашылық әдіс-тәсілдер қажет. Олардың ішінде «Болашақтағы үздік 50 кәсіп» секілді жобалар бар. Жоғары сынып оқушыларымен кәсіптік бағдар беру жұмыстары жүргізілуде. Бастаушы блогерлердің оқуы да маңызды орын алады. Оларға посттардың дұрыс және қарапайым тілде жазылуы мен фотосуреттердің өңделуі үйретіледі. Осы және басқа да жобалар өңірлерде іске қосылмақ.


Экспедиция мүшелері еліміздің бірқатар аймақтарына саяхат жасай отырып, оның барысында халқымызды ҚХА қызметімен, оның құрылымдарымен таныстырып, этномедиация, аналар кеңесінің мақсат-міндеттері және т.б жайында айтып берумен қатар, түрлі тақырыптарда тренингтер өткізеді.

Қарағанды облысы ҚХА ақсақалдар кеңесінің төрағасы Бекзат Алтынбеков қоғамды біріктірудегі ҚХА рөліне баса назар аударды.


«Ассамблея жастары» республикалық қоғамдық бірлестігінің Астана қаласындағы филиалының басшысы Юлия Лагуткина бұрыннан қалыптасып кеткен «Ассамблея тек ән шырқап, би билейді» деген стереотиптің түбегейлі дұрыс еместігін дәлелдер арқылы жеткізді.


Ассамблея көптеген бағыттар бойынша қызмет атқарады. Соның ішінде волонтерлік жұмыстар, экоакциялар, мемлекеттік тілдің мәртебесін арттыру сияқты іс-шараларды жүзеге асырып келеді. Жастар бұл туралы білуі керек және олар аға буынмен бірлесіп жұмыс істеуі керек.

Экспедиция Қазақстанның көрнекті тарихи және естелік орындарын аралап, жастарға арналған ақпараттық және этносаяси сауаттылық бойынша сабақтар өткізеді.

Экспедиция екі негізгі бағытта жүзеге асырылады: «Павлодар – Семей – Өскемен» және «Қостанай-Көкшетау – Петропавл».

Экспедицияның әр бағыты үшін арнайы бағдарлама әзірленді.

Жобаға қатысушылар арасында этносаралық қатынастар мәселелері жөніндегі республикалық ақпараттық-түсіндіру тобының мүшелері, РЭМБ және ЭМБ өкілдері, түрлі салалардағы қоғамдық пікір көшбасшылары, ҚХА қоғамдық құрылымдары мен «Ассамблея жастары» РҚБ өкілдері бар.




Кейін қарай