Бүгінгі күн Семей ядролық полигонының жабылуының 25-жылдық атаулы датасымен ерекшеленеді. Осыған орай Достық үйінің алаңында ҚХА, мен этномәдени бірлестіктердің мүшелері, «Нұр Отан» партиясының белсенділері, жастар және мемлекеттің емес ұйымдардың қатысуымен «Ақ орамал» акциясы өтті.

Іс-шара  ұйымдастырушылары облыстық ҚХА жанындағы аналар кеңесі мен «Қоғамдық келісім» мемлекеттік мекемесі.

Шара басталмас бұрын аналар кеңесінің қатысушылары саясй қуғын-cүргін құрбандары, Ауған соғысы құрбандары мен Чернобль атом электр станциясындағы жарылыс зардаптарын алдын-алу құрбандарының ескерткіштеріне гүл шоқтарын қойды.

Акция барысында ақ орамал таққан 500-ден астам аналардың қатысуымен «Даңқ» ескерткішіне бағыт алған «Бейбітшілік жасасын!» деген ұранмен бейбіт шеру ұйымдастырылды.  

Іс-шараға қатысушы, облыстық «Нұр Отан» партиясы басшысының орынбасары Тайкебаева Жұлдыз Тұяққызы өз сөзінде Елбасы Нұрсұлтан Әбішұлы Назарбаевтың ядролық қарусыздану және ядролық қарудың таралмауына қосқан зор үлесін айтты.  «1991 жылғы 29 тамыз күні Елбасы Семей полигонының жабылуы жөніндегі бұйрыққа қол қоюы арқылы, адамзат тарихын бейбіт жолмен дамудың сағасына бұрды. «ӘЛЕМ. ХХІ Ғасыр» манифесі Қазақстанның соғыс және бейбітшілік мәселесі бойынша ұстанымы», - деді ол өз сөзінде.

Мақсат Айтпаев

Кейін қарай