2017 жыл біз үшін маңызды болып келеді, жуырда ғана бейбітшілік пен келісім сарайында Президент Нұрсұлтан Әбішұлы Назарбаев еліміздің барлық этностары мен конфессияларын Қазақстан халқы ассамблеясының мерейтойлық XXV сессиясында қарсы алған болатын.

Бүгін де отанымыздың барлық қалалары мен ауылдарында барлық ұлттар мен халықтардың өкілдері өз бірлігін, достығын, Ортақ үйі – Қазақстан Республикасын гүлденуші, тәуелсіз және азат ел ретінде көруге ұмтылысын көрсету үшін тағы да бас қосуда.

Петропавл қаласындағы Тәуелсіздік стеласында Қазақстан халқы бірлігі күніне арналған "БІРІЛІГІМІЗ ЖАРАСҚАН" фестивалі өтті. Алаңда этно-ауыл жайғасты, ұлттық тұрғын үйлер – киіз үйлерде еліміздегі түрлі мәдениеттер өздерінің дәстүрлі аспаптарын, тағамдарын және ұлттық костюмдерін ұсынды. Көңілді әндер мен ойындарсыз өтпейтіні белгілі. Фестивальді сүйікті қазақ ұлттық әндерін орындаумен «Балқадиша» фольклорлы ансамблі ашты. Бейнелі армян, шешен-ингуш билері, сыңғырлаған татар әндері мен қазақ күйлері көрермендерге қуаныш сыйлады.

Облыс әкімі Құмар Ақсақалов та фестивальге қатысты. Өңір басшысы ұлттық киіз үйлерге кіріп, этномәдни орталықтармен танысты және қонақжайлылық үшін алғыс айтты. Этномәдени бірлестіктердің төрағалары Құмар Іргебайұлына ұлттық тамақтарынан дәм татқызды, мейраммен құттықтап, бейбітшілік пен жақсылық тіледі.

Мереке дәстүрлі ойындар мен әйгілі әндерге ұласты. Қаланың басты алаңы сауық-сайранға, әзіл-күлкіге және қуаныш-шаттыққа толы болды.

Бірлік мерекесі – бұл самал жел, тамаша еліміздің жарқын болашағына деген үміт. Достығымыз одан әрі нығайсын! Достар қарасы бір шаңырақ астында неғұрлым берік және берекелі болсын! Мерекемен, қымбатты солтүстік қазақстандықтар!

Кейін қарай