Қазақстан халқы Ассамблеясы

09 Шілде, 2020

302

«Бірлігімізді бекем етіп, індетпен күресейік»

13 шілде Ұлттық аза тұту күніне орай, ҚХА мүшелері пікір білдірді

Күні кеше ҚР Президенті Қасым-Жомарт Тоқаев телевизиялық үндеу жасап, 13 шілде күнін Ұлттық аза тұту күні ретінде белгілеген еді.


Мемлекет басшысы Қасым-Жомарт Тоқаев республикалық телеарналар арқылы елімізде қалыптасқан ахуалға байланысты телевизиялық үндеу жасағаны мәлім. Президент кезекті үндеуінде пандемияға қарсы күрес барысында барша қазақстандықтарды мазалаған проблемаларды айтып өтті.

Расымен бүгінгі таңда коронавирустың таралуы бәсеңдемей отыр. «Себебі бұл – өте қауіпті, батпандап кіріп, мысқылдап шығатын дерт. Сондықтан алдағы екі апта біздің болашақ қадамдарымыз үшін шешуші кезең болмақ», - деді Мемлекет басшысы.

Осы орайда барша отандастарымызға сабыр тілеймін. Бүкіл күш жігерімізді жинап, бірлігімізді берік етіп, індетпен күресейік. Жалған ақпаратқа сенбей, нақты, дәрігерлердің нұсқауымен айтылған бірізді мәліметтерге ғана сенейік дегім келеді.

Сайдселим Хазуев,

Қызылорда облыстық шешен этномәдени

бірлестігінің жетекшісі

Мемлекет басшысы Қасым-Жомарт Тоқаевтың бүгінгі халыққа жолдаған үндеуі пандемияға қарсы күрес жөніндегі көптеген мәселелерді қамтыды. Халықтың көкейінде жүрген, көпшілігімізді толғандырып отырған сұрақтарға жауап айтылды.

Ел президенті айтқандай, біздің елдегі жағдай оңай болып тұрған жоқ. Алапат індет арамыздан қаншама асыл жандарымызды алып кетті. Әрбір отандастарымыздың қазасы біз үшін ауыр. Жақындарынан айырылған әрбір отбасыға көңіл айтамын.

Қадірлі ағайын, машақатты уақытта бір-бірімізге бекем болайық. Пайда емес сауап іздеп халқымыздың амандығын тілейік.

Қахар Дадашев,

Қызылорда облыстық өзбек этномәдени

бірлестігінің жетекшісі


Кейін қарай