2024 жылдың 16 қыркүйегінде Астанада Қазақстан халқы Ассамблеясының мұрындық болуымен «Бірлік пен келісім – Әділетті Қазақстанның бастықұндылығы» тақырыбында жалпыреспубликалық ғылыми-тәжірибелік конференциясы өтті. Іс-шараны Қазақстан Республикасы Мәдениет және ақпарат министрлігі мен ҚР Мәдениет және ақпарат министрлігінің Қолданбалы этносаяси зерттеулер институты ұйымдастырды.

Іс-шараға Парламент депутаттары, Қазақстан халқы Ассамблеясының, орталық мемлекеттік органдардың өкілдері, сондай-ақ қазақстандық және халықаралық ғылыми-сарапшылық қоғамдастықтың мүшелері қатысты. Конференция Қазақстан Президентінің 2024 жылғы 2 қыркүйектегі Жолдауында көрсетілген басым бағыттар аясында этносаралық келісім мен ұлттық бірлікті нығайтудың заманауи үрдістері мен тәсілдерін талқылаудың негізгі алаңдарының біріне айналды.

Конференцияға ҚХА Ғылыми-сарапшылық кеңесінің төрайымы, Қолданбалы этносаяси зерттеулер институты директорының орынбасары Айгүл Садвокасова модераторлық етті.

Қазақстан халқы Ассамблеясы Төрағасының орынбасары Марат Әзілханов пен ҚР Мәдениет және ақпарат вице-министрі Айзада Құрманова алғы сөз сөйледі. Олар Ассамблеяның ұлттық бірлікті қалыптастыру саясатын жүзеге асырудағы рөлінің маңыздылығын атап өтті, сондай-ақ елдегі этносаралық келісімді сақтауға бағытталған стратегиялық міндеттерді одан әрі жүзеге асыру үшін мемлекеттік органдардың, этномәдени бірлестіктердің және азаматтық қоғамның өзара іс-қимылын күшейту қажеттігін атап өтті.

Конференцияның спикерлері Қазақстан Республикасы Парламенті Сенатының депутаты Нұрия Ниязова, Қазақстан Республикасы Парламенті Мәжілісінің депутаты Еркін Әбіл, «Қоғамдық Келісім» республикалық мемлекеттік мекеменің директоры Элина Масагутова, Қазақстан Республикасы Президенттік орталығы директорының орынбасары Ботагөз Каипова, Шет тілдері университеті жанындағы Ханкук Халықаралық аймақтық зерттеулер орталығының ғылыми профессоры Youngmin Chu (Корея) және т.б. болды.

Конференция қорытындысы бойынша қарар қабылданып, онда қатысушылар алдағы жұмыстың бірқатар негізгі бағыттарын белгіледі. Қаулыда этносаралық қатынастар саласындағы мемлекеттік саясатты ілгерілету және ағартушылық қызметті жандандыру бойынша ақпараттық жұмысты күшейту қажеттігі атап өтілген. Сондай-ақ мемлекеттік этносаясатты ғылыми және қоғамдық қолдауды қамтамасыз ету үшін этномәдени бірлестіктердің мемлекеттік органдармен және сарапшылар қауымдастығымен өзара іс-қимылын кеңейту барысы белгіленді. Құжатта Қазақстан халқы Ассамблеясының 30 жылдығы қарсаңында этносаралық қатынастар құралы ретіндегі мемлекеттік тілдің рөлін арттыру, этномедиация тәжірибесін кеңінен енгізу және басқа елдермен тәжірибе алмасу үшін этносаясат саласында халықаралық ынтымақтастықты жалғастыру сынды маңызды бағыттар атап көрсетілген.

Конференцияға қатысушылар Қазақстандағы бірлік пен келісімді нығайту жолындағы жұмысты жалғастыруға жоғары деңгейде белсенділік танытты.

Кейін қарай