Қазақстан- көп ұлтты мемлекет. Елімізді жүздеген этнос өкілдері мекен етіп, бірлік пен ынтымақта өмір сүруде. Түрлі ұлт өкілдері арасында өзара түсіністік пен сыйластық орнаған.

Ел бірлігі мен келісімі – көңіл күйі, ол – еліне, халқына деген сүйіспеншілік. Қазақ немесе орыс, украин немесе армян болсын, әрқайсымыздың бойымызда патриоттық рух, республикамызға деген мақтаныш сезімі өмір сүреді.

Біз Қазақстанда тұратын барлық ұлттар арасындағы бірлік пен достықты мақтан тұтамыз. Бұл біздің қоғамымыздың экономикалық және саяси тұрақтылығының негізі болды. Қазақстанда кез келген дінді құрметтейді.

Тәуелсіздік алған алғашқы күннен бастап еліміздің мемлекеттік саясаты Қазақстан халқының бірлігі мен тұтастығы идеясын жүзеге асыруға бағытталды. Күшіміз бірлікте екенін халқымыз күллі әлемге дәлелдеп берді. Қазір басқа мемлекеттер біздің тәжірибемізді зерттеп, қалай жетістікке жеткенімізді түсінуге тырысуда.

1995 жылы 1 наурызда Қазақстан халқы Ассамблеясын құру туралы Жарлық шықты. Құрылтайшысы және төрағасы – Президент – Конституцияның кепілі. Қазақстан бүгінде 100-ден астам этнос өкілдерінің ортақ шаңырағы болып табылады. Әрбір қазақстандық үшін достық пен толеранттылық -бос сөз емес. Бұл біздің сан ғасырлар бойы сақтап, кейінгі ұрпаққа жеткізуге тиісті мұрамыз.

«Ассамблея Жастары» Алматы қаласы аймақтық қоғамдық ұйымы

Кейін қарай