Қазақстан халқы Ассамблеясы

06 Қыркүйек, 2022

114

БІЗ – БІРГЕМІЗ, БІЗ – БІР ОТБАСЫМЫЗ!

Елордалық Қазақстан халқы Ассамблеясының өкілдері Қостанай облысындағы өрттен зардап шеккендерге көмек көрсетуді жалғастыруда.

Қайырымдылық акциясы таңертең ерте басталды. Елордалық этномәдени орталықтар, бизнесмендер, меценаттар және ҚХА Кәсіпкерлер қауымдастығы көмек шақыруға жедел үн қосты.

Достық үйінде жедел штаб ашылды.

- Бүгін Қостанай облысындағы төтенше жағдайға байланысты, қалалық Ассамблеясының мүшелері азық-түлік, төсек-орын жабдықтары мен бірінші кезекте қажетті заттарды жинауды ұйымдастырды. Осы сәрсенбіде Қостанай облысына 40 тоннаға жуық гуманитарлық көмек жіберіледі. Біз адамдарға қайғы-қасіретті жеңуге көмектесу үшін қолдан келгеннің бәрін жасаймыз, - деп атап өтті «Қоғамдық келісім» КММ басшысының орынбасары Нұркен Әбдіғали.

- Қостанай облысындағы өрттердің салдарынан күрделі жағдай қалыптасты: үйлер өртенді, адамдар өмір сүру қаражатынсыз, киімсіз және баспанасыз қалды. Біздің этномәдени орталығымыз құрылған күннен бастап біз әрқашан қайырымдылық іс-шараларына белсенді қатысамыз.


Біз – азаматтар қайғыда да, қуанышта да бірге тұратын біртұтас халықпыз. Қайғылы жағдай орын алған бойда біз зардап шеккендерге көмек көрсету үшін бірден үн қатамыз-, деп өз ойымен бөлісті «Вайнах» шешен-ингуш этномәдени орталығының төрағасы Башир Солсанов.

- Қиындықтарға төтеп беру, зардап шеккендерге бүкіл әлеммен көмек көрсету – халқымыздың маңызды дәстүрлерінің бірі. Қоғамда болып жатқан кез-келген оқиға бізге жауап береді. Бүгін біз Достық үйіне матрастар, жастықтар, бірінші кезекте қажетті заттар, азық-түлік әкелдік, - деді Қазақстан тәжіктері республикалық этномәдени орталығының төрағасы Акбаржан Исмаилов.

Этномәдени бірлестіктердің мүшелері мен ҚХА еріктілері жыл сайын көп балалы, аз қамтылған отбасыларға, қарттарға және төтенше жағдайлар кезінде зардап шеккендерге қажетті көмек көрсетеді.

Айта кетейік, биыл елордалық Ассамблея 22 қайырымдылық шарасын ұйымдастырды, 1000-нан астам адамға жалпы сомасы 24 млн.теңге көлемінде көмек көрсетілді.


Кейін қарай